എന്‍റെ രാഷ്‌ട്രീയം മനുഷ്യത്വമാണ്, മാനുഷിക മൂല്യങ്ങളാണ്. അല്ലാതെ കക്ഷി രാഷ്‌ട്രീയ പാര്‍ട്ടികളല്ല.
മതമാണെങ്കിലും രാഷ്‌ട്രീയമാണെങ്കിലും ജനങ്ങളുടെ നന്മക്കു വേണ്ടി നിര്‍മിക്കപ്പെട്ടവയാണെന്നാണ് പറയപ്പെടുന്നത്.
എന്നാല്‍ ഈ സ്ഥാപനങ്ങള്‍ ഇന്ന് സാമൂഹിക നന്മയ്ക്കുവേണ്ടി പൂര്‍ണമായും നിലകൊള്ളുന്നുവെന്ന് പറയാനാകില്ല.
മതമാണെങ്കിലും രാഷ്‌ട്രീയ പാര്‍ട്ടിയാണെങ്കിലും പരസ്പരം പോരടിക്കുന്ന കാഴ്ച ഉദാഹരണമായി നമുക്ക് മുന്നിലുണ്ട്.
തമ്മിലടിക്കുന്നതിന് പകരം സമൂഹത്തിന്‍റെ ഉന്നമനത്തിനായിട്ടായിരിക്കണം ഇവര്‍ നിലകൊള്ളേണ്ടത്.
മാനുഷിക മൂല്യങ്ങള്‍ ഉള്‍ചേര്‍ന്നതായിരിക്കണം ആ രാഷ്‌ട്രീയം. അല്ലാതെ മത-രാഷ്‌ട്രീയ-ജാതീയ ചായ്‌വുകളാവരുതെന്ന് മാത്രം.
