കുഞ്ചാക്കോ ബോബനും ജോജു ജോർജും നിമിഷ സജയനും പ്രധാനവേഷങ്ങളിലെത്തിയ നായാട്ട് മികച്ച അഭിപ്രായമാണ് നേടുന്നത്.
ആദ്യം തീയറ്ററുകളിലെത്തിയ ചിത്രം കോവിഡ് പ്രതിസന്ധിയെ തുടർന്ന് ഒടിടിയിൽ റിലീസ് ചെയ്യുകയായിരുന്നു.
ഇതിനിടെ തന്‍റെ അമ്മയ്ക്കൊപ്പം ചിത്രം ഒടിടിയിൽ കണ്ട അനുഭവം പങ്കുവച്ച് ചാക്കോച്ചൻ രംഗത്തെത്തി.
പടം തുടങ്ങി, തന്‍റെ ഇന്ട്രൊഡക്ഷന് സീന്‍ വന്നു പോയിട്ടും അമ്മയുടെ കമന്‍റ് ഒന്നും വന്നില്ലെന്നും സാധാരണ എന്തെങ്കിലും പറയുന്നതാണെന്നും ചാക്കോച്ചൻ പറഞ്ഞു.
കുറച്ചു കഴിഞ്ഞപ്പോള്‍ അമ്മ തട്ടിവിളിച്ചു ചോദിച്ചു, എടാ അതു നീയാരുന്നോ? നായാട്ടില്‍ ചാക്കോച്ചനെ കാണാനില്ല എന്നു പലരും വിളിച്ചു പറഞ്ഞിരുന്നെങ്കിലും അമ്മ അങ്ങനെ പറഞ്ഞപ്പോള്‍ വലിയ സന്തോഷമായിരുന്നുവെന്നും കുഞ്ചാക്കോ ബോബൻ കൂട്ടിച്ചേർത്തു.
