ഫ​സ്റ്റ് ബെ​ല്ലി​ന് കാ​തോ​ർ​ത്ത് ഒ​രു ‘കു​ഞ്ഞ്’! വാ​ങ്ങു​ന്ന വേ​ത​ന​ത്തി​ന്‍റെ ക​ണ​ക്ക് നി​ശ്ച​യി​ക്കു​ന്ന ​സ്വാ​ർ​ഥ ലോ​ക​ത്തി​ൽ ത​ന്‍റെ നി​ഷ്കാ​മ ക​ർമം​കൊ​ണ്ട് വ്യ​ത്യ​സ്ത​നാ​കു​ക​യാ​ണ് ഈ ​കു​ഞ്ഞു മ​നു​ഷ്യ​ൻ

ബി​ജോ​യ് ജോ​സ​ഫ്

നീ​ർ​വാ​രം (​വ​യ​നാ​ട്): മ​ധ്യ​വേ​ന​ൽ അ​വ​ധി​ക്കു​ശേ​ഷം സ്കൂ​ൾ തു​റ​ക്കു​ന്ന ആ ​ദി​നം…​

പു​ത്ത​ൻ​മ​ണം മാ​റാ​ത്ത യൂ​ണി​ഫോ​മു​മി​ട്ട് പു​തു​പു​ത്ത​ൻ പ​ഠ​ന​സാ​മ​ഗ്രി​ഹി​ക​ൾ പേ​റു​ന്ന സ്കൂ​ൾ ബാ​ഗും തോ​ളി​ലി​ട്ട് സ്കൂ​ൾ പ​ടി​ക​ൾ ആ​വേ​ശ​ത്തോ​ടെ ഒാ​ടി​ക്ക​യ​റു​ന്ന വി​ദ്യാ​ർ​ഥി​ക​ളു​ടെ സ​ന്തോ​ഷ​ത്തി​നു​മ​പ്പു​റം സ്കൂ​ളി​ലെ​ത്താ​ൻ കൊ​തി​ക്കു​ന്ന മ​ന​സു​മാ​യി വ​യ​നാ​ട്ടി​ലെ ഒ​രു കൊ​ച്ചു സ്കൂ​ളി​ൽ ഒ​രു കു​ഞ്ഞു​ണ്ട്…

അ​തേ എ​ല്ലാ​വ​രു​ടേ​യും പ്രി​യ​പ്പെ​ട്ട കു​ഞ്ഞേ​ട്ട​ൻ…​സ്കൂ​ളി​ന്‍റെ ക​രു​ത്തും ശ്വാ​സ​വും സ്പ​ന്ദ​ന​വും എ​ല്ലാം ഇൗ ​കൊ​ച്ചു മ​നു​ഷ്യ​നി​ലാ​ണ്. ഇൗ ​വി​ദ്യാ​ല​യ​ത്തി​ന്‍റെ ഒാ​രോ വ​ള​ർ​ച്ച​യി​ലും ആ ​കു​ഞ്ഞു​കൈ​ക​ൾ നി​ശ​ബ്ദ​മാ​യി പി​ന്നി​ലു​ണ്ട്.

നാ​ൽ​പ്പ​തു വ​ർ​ഷ​മാ​യി നീ​ർ​വാ​രം ഗ​വ. ഹ​യ​ർ​സെ​ക്ക​ൻ​ഡ​റി സ്കൂ​ളി​ന്‍റെ എ​ല്ലാ​മെ​ല്ലാ​മാ​ണ് കു​ഞ്ഞേ​ട്ട​ൻ എ​ന്ന 69 കാ​ര​നാ​യ പ​ടി​ഞ്ഞാ​റേ​ക്ക​ര വേ​ലാ​യു​ധ​ൻ.

1982-83 കാ​ല​ഘ​ട്ടം മു​ത​ൽ സ്കൂ​ളി​ന്‍റെ ഭാ​ഗ​മാ​യി മാ​റി​യ കു​ഞ്ഞേ​ട്ട​ന്‍റെ കൈ​യി​ലെ താ​ക്കോ​ൽ​ക്കൂ​ട്ട​ത്തി​ൽ സ്കൂ​ൾ എ​ന്നും ഭ​ദ്രം. പാ​ല​ക്കാ​ട്ടു​നി​ന്നു വ​യ​നാ​ട്ടി​ലെ​ത്തി​യ​താ​ണ് കു​ഞ്ഞേ​ട്ട​ന്‍റെ കു​ടും​ബം.

ചെ​റു​പ്പ​ത്തി​ലെ മാ​താ​പി​താ​ക്ക​ളെ ന​ഷ്ട​മാ​യ​തോ​ടെ അ​മ്മ​വീ​ട്ടി​ൽ സ്ഥി​ര​താ​മ​സ​മാ​ക്കി വേ​ലാ​യു​ധ​ൻ. കേ​ൾ​വി​ക്കു​റ​വും സം​സാ​ര​വൈ​ക​ല്യ​വും വേ​ലാ​യു​ധ​ന്‍റെ വി​ദ്യാ​ഭ്യാ​സ​ത്തി​ന് വി​ല​ങ്ങു ത​ടി​യാ​യി.

സ്കൂ​ളി​ന്‍റെ പ​ടി ച​വിട്ടാ​ൻ ക​ഴി​യാ​തെ​പോ​യ ബാ​ല്യം. എ​ന്നാ​ൽ ആ ​വേ​ലാ​യു​ധ​ൻ പ​തി​റ്റാ​ണ്ടു​ക​ളാ​യി ഇൗ ​വി​ദ്യാ​ല​യ​ത്തി​ന്‍റെ കാ​വ​ൽ​ക്കാ​ര​നാ​യി നി​ല​കൊ​ള്ളു​ന്നു.

സ്കൂ​ളി​ലെ പാ​ച​ക​ക്കാ​രി​യാ​യ ബ​ന്ധു ത​ങ്ക​മ്മ​യോ​ടൊ​പ്പ​മാ​ണ് വേ​ലാ​യു​ധ​ൻ നീ​ർ​വാ​രം സ്കൂ​ളി​ൽ കാ​ലു​കു​ത്തു​ന്ന​ത്. ത​ങ്ക​മ്മ​യെ സ​ഹാ​യി​ച്ച് തു​ട​ങ്ങി​യ സ്കൂ​ൾ ജീ​വി​തം വേ​ലാ​യു​ധ​നെ കു​ഞ്ഞേ​ട്ട​നാ​ക്കി​മാ​റ്റി.

കു​ഞ്ഞേ​ട്ടാ എ​ന്ന് നീ​ട്ടി​വി​ളി​ക്കാ​ൻ ആ​രും പ​ഠി​പ്പി​ച്ച​ത​ല്ല. സ്കൂ​ളി​ലെ ഒാ​രോ മ​ണ​ൽ​ത്ത​രി​ക​ൾ പോ​ലും കൊ​ഞ്ച​ലോ​ടെ ഇൗ​ണ​ത്തോ​ടെ നീ​ട്ടി​വി​ളി​ക്കാ​റു​ണ്ട​് അങ്ങ​നെ.

ഒ​രി​ക്ക​ൽ നീ​ർ​വാ​രം ഹൈ​സ്കൂ​ളി​ന്‍റെ പ​ടി​ക​യ​റി​യ​വ​രാ​രും സ്കൂ​ൾ വ​ള​പ്പി​ലൂ​ടെ ചു​റുചു​റു​ക്കോ​ടെ ജോ​ലി​ക​ൾ ചെ​യ്യു​ന്ന ഇൗ ​കു​ഞ്ഞ് മ​നു​ഷ്യ​നെ മ​റ​ക്കാ​നി​ട​യി​ല്ല.

അ​ദ്ഭു​ത​പ്പെ​ടു​ത്തു​ന്ന വ്യ​ക്തി​ത്വ​മാ​ണ് കു​ഞ്ഞേ​ട്ട​ന്‍റേ​ത്. കു​ഞ്ഞേ​ട്ട​ൻ സ്കൂ​ളി​ലെ ആ​രാ​ണെ​ന്ന് ചോ​ദി​ച്ചാ​ൽ കു​ഞ്ഞേ​ട്ട​നാ​ണ് നീ​ർ​വാ​ര​ത്തി​ന്‍റെ ജീ​വാ​ത്മാ​വും പ​ര​മാ​ത്മാ​വും എ​ന്നാ​ണ് എ​ല്ലാ​വ​ർ​ക്കും പ​റ​യാ​നു​ള്ള​ത്.

സ്കൂ​ളി​ലെ ഒ​രു ജീ​വ​ന​ക്കാ​ര​ൻ പോ​ലു​മ​ല്ലെ​ങ്കി​ലും കു​ഞ്ഞേ​ട്ട​നെ​ത്തി​യി​ല്ല​ങ്കി​ൽ അ​ത് നി​ക​ത്താ​നാ​കാ​ത്ത ഒ​രു വി​ട​വാ​ണ്.

കു​ഞ്ഞേ​ട്ട​ൻ രാ​വി​ലെ​ത​ന്ന സ്കൂ​ളി​ലെ​ത്തും. ഗേ​റ്റ് തു​റ​ക്കും. പ​ത്ര​വു​മാ​യി സ്റ്റാ​ഫ് റൂ​മി​ലേ​ക്ക്. ക്ലാ​സ് മു​റി​ക​ളു​ടെ താ​ക്കോ​ലു​ക​ളെ​ല്ലാം കൃ​ത്യ​മാ​യി അ​റി​യാ​വു​ന്ന ഒ​രേ​ഒ​രാ​ൾ ചി​ല​പ്പോ​ൾ കു​ഞ്ഞ​നാ​യി​രി​ക്കും. പി​ന്നീ​ട് ക​ഞ്ഞി​പ്പു​ര​യി​ലേ​ക്ക് സ​ഹാ​യി​യാ​യി. ഭ​ക്ഷ​ണം ഉ​ണ്ടാ​ക്കു​ന്നി​ട​ത്തും വി​ള​ന്പു​ന്നി​ട​ത്തു​മെ​ല്ലാം സ​ജീ​വ​മാ​കു​ന്നു.

സ്കൂ​ളി​ലെ ജീ​വ​ന​ക്കാ​ർ​ക്കു​ള്ള ചാ​യ വ​യ്ക്കു​ക എ​ന്ന​താ​ണ് ശ​രി​ക്കും കു​ഞ്ഞ​നെ ചു​മ​ത​ല​പ്പെ​ടു​ത്തി​യ ജോ​ലി. വ​ലി​യ വാ​ച്ചും കൈ​യി​ൽ​കെ​ട്ടി ന​ട​ക്കു​ന്ന കു​ഞ്ഞ​ൻ ഒ​രി​ക്ക​ലും വാ​ച്ചു നോ​ക്കു​ന്ന​ത് ക​ണ്ടിട്ടി​ല്ല.

മ​ന​സി​ലെ ഘ​ടി​കാ​ര​ത്തി​ൽ കൃ​ത്യ​മാ​യി അ​ട​യാ​ള​പ്പെ​ടു​ത്തി​യ സ​മ​യം ഒ​രി​ക്ക​ലും തെ​റ്റാ​റു​മി​ല്ല. ചാ​യ ഗ്ലാ​സു​ക​ളു​മാ​യി ഒാ​രോ ജീ​വ​ന​ക്കാ​രു​ടെ​യു​മ​ടു​ത്ത് അ​വ​ർ ലാ​ബി​ലോ ലൈ​ബ്ര​റി​യി​ലോ എ​വി​യെ​യാ​യാ​ലും ഒ​രോ​രു​ത്ത​രേ​യും ക​ണ്ടു​പി​ടി​ച്ച് ചാ​യ ന​ൽ​കി തി​രി​ച്ച് ഗ്ലാ​സു​ക​ളും പാ​ത്ര​ങ്ങ​ളും ക​ഴി​കി വ​യ്ക്കു​ന്ന​ത് ഒ​രു അ​മ്മ​യു​ടെ ക​രു​ത​ലോ​ടെ എ​ന്ന് എ​ല്ലാ അ​ധ്യാ​പ​ക​രും ഒാ​ർ​മി​ക്കു​ന്നു.

ബെ​ല്ല​ടി​ക്കാ​ൻ ഒ​രു മി​നി​ട്ട് വൈ​കി​യാ​ൽ സ്കൂ​ൾ ഗേ​റ്റ് അ​ട​യ്ക്കാ​ൻ മ​റ​ന്നാ​ൽ കു​ഞ്ഞ​ൻ ത​ന്‍റെ അ​വ്യ​ക്ത​മ​മാ​യ ഭാ​ഷ​യി​ൽ ഒാ​ർ​മ​പ്പെ​ടു​ത്തു​ന്ന​തും ശ​ണ്ഠ കൂ​ടു​ന്ന​തും കാ​ണാം.

ആ​രാ​ണ് കു​ഞ്ഞേ​ട്ട​നെ ഇൗ ​ചു​മ​ത​ല​ക​ൾ ഏ​ൽ​പ്പി​ച്ച​ത് എ​ന്ന​ത് ആ​ർ​ക്കും നി​ശ്ച​യ​മി​ല്ല. ചാ​യ​വ​യ്ക്കു​ന്ന​തി​നു​ മാ​ത്ര​മാ​ണ് അ​ദ്ദേ​ഹം വേ​ത​നം കൈ​പ്പ​റ്റു​ന്ന​ത്. ബാ​ക്കി​യെ​ല്ലാം കാ​ല​ത്തി​ന്‍റെ പ്ര​യാ​ണ​ത്തി​ൽ അ​യാ​ൾ സ്വ​യം ഏ​റ്റെ​ടു​ത്ത​താ​ണ്.

കു​ട്ടി​ക​ൾ ഏ​വ​രു​ടേ​യും പ്രി​യ​ങ്ക​ര​നാ​ണ് കു​ഞ്ഞേ​ട്ട​ൻ. എ​ന്ത് ആ​വ​ശ്യ​ത്തി​നും അ​വ​ർ​ക്ക് സ​മീ​പി​ക്കാ​വു​ന്ന സ്കൂ​ളി​ലെ ഒ​രാ​ളാ​യി​ട്ടു ത​ന്നെ​യാ​ണ് കു​ട്ടി​ക​ൾ കു​ഞ്ഞേ​ട്ട​നെ കാ​ണു​ന്ന​ത്. ചി​ല​പ്പോ​ൾ കു​ഞ്ഞി​പ്പൊ​തി​ക​ളി​ൽ കു​ട്ടി​ക​ൾ​ക്ക് മി​ഠാ​യി​ക​ൾ കൈ​മാ​റും.

സ്കൂ​ളി​ലെ ഏ​തെ​ങ്കി​ലും കു​ട്ടി​ക​ൾ​ക്ക് എ​ന്തെ​ങ്കി​ലും അ​പ​ക​ടം പ​റ്റി​യാ​ലോ കു​ട്ടി​ക​ൾ എ​ന്തെ​ങ്കി​ലും കു​സൃ​തി കാ​ട്ടി​യാ​ലോ അ​വി​ടെ പാ​ഞ്ഞെ​ത്തും കു​ഞ്ഞേ​ട്ട​ൻ.

വി​ദ്യാ​ല​യം കു​ഞ്ഞേ​ട്ട​ന് സ്വ​ന്തം വീ​ടു ത​ന്നെ​യാ​ണ്. ഒ​രു ഗൃ​ഹ​നാ​ഥ​ന്‍റെ ഉ​ത്ത​ര​വാ​ദി​ത്വ​ത്തോ​ടെ അ​ദ്ദേ​ഹം ജോ​ലി​ക​ൾ സ്വ​യം ഏ​റ്റെ​ടു​ത്ത് ചെ​യ്യു​ന്നു.

സ്കൂ​ളി​ന്‍റെ പ​ടി​യി​റ​ങ്ങി​പ്പോ​യ പൂ​ർ​വകാല വി​ദ്യാ​ർ​ഥി​ക​ളു​ടേ​യും അ​ധ്യാ​പ​ക​രു​ടേ​യും ഒാ​ർ​മ​യി​ലെ ജ്വ​ലി​ക്കു​ന്ന നി​റ​സാ​ന്നി​ധ്യ​മാ​യി കു​ഞ്ഞേ​ട്ട​നു​ണ്ട്.​

ഇൗ 40 വ​ർ​ഷ​ങ്ങ​ളി​ൽ വി​ദ്യാ​ല​യ​ത്തി​ലൂ​ടെ ഒ​രു​പാ​ടു​പേ​ർ ക​ട​ന്നു​പോ​യി. സ്കൂ​ളി​നും ഒ​രു​പാ​ട് മാ​റ്റ​മു​ണ്ടാ​യി. എ​ന്നാ​ൽ മാ​റ്റ​മി​ല്ലാ​തെ തു​ട​രു​ന്ന​ത് കു​ഞ്ഞേ​ട്ട​നെ​ന്ന നി​ശ​ബ്ദ സാ​ന്ന​ധ്യം മാ​ത്ര​മാ​ണ്.

എ​ന്നാ​ലി​പ്പോ​ൾ കു​ഞ്ഞേ​ട്ട​ന്‍റെ ജീ​വി​ത​വും ലോ​ക്ഡൗ​ണി​ൽ കു​രു​ങ്ങി. ഒ​രു ദി​വ​സം പോ​ലും ലീ​വാ​ക്കാ​തെ സ്കൂ​ളി​ലെ​ത്തി​ച്ചേ​രു​ന്ന കു​ഞ്ഞേ​ട്ട​ൻ ഇ​പ്പോ​ൾ വി​ദ്യാ​ർ​ഥി​ക​ൾ​ക്ക് സ്കൂ​ളി​ലെ​ത്താ​ൻ ക​ഴി​യാ​ത്ത​തും പ​ഠ​നം മു​ട​ങ്ങു​ന്ന​തു​മെ​ല്ലാം വ​ള​റെ ദു​ഃഖ​ത്തോ​ടെ നോ​ക്കി​ക്കാ​ണു​ന്നു.

ലോ​ക്ഡൗ​ണി​ലും അ​തി​രാ​വി​ലെ ത​ന്നെ ചാ​യ​കു​ടി​ ക​ഴി​ഞ്ഞ് സ്കൂ​ളി​ലേ​ക്ക് പു​റ​പ്പെ​ടും. ഉ​ച്ച​ഭ​ക്ഷ​ണ​ത്തി​ന് ശേ​ഷം വീ​ണ്ടും സ്കൂ​ളി​ലേ​ക്ക്. സ്കൂ​ൾ തു​റ​ന്നി​ല്ലെ​ങ്കി​ലും ആ ​ചു​റ്റു​വ​ട്ട​ത്തു​ത​ന്നെ​യു​ണ്ടാ​കും കു​ഞ്ഞേ​ട്ട​ൻ.

അ​വ​ധി​ക്ക് സ്കൂ​ൾ അ​ട​യ്ക്കു​ന്ന​താ​ണ് കു​ഞ്ഞേ​ട്ട​ന്‍റെ ഏ​റ്റ​വും വ​ലി​യ ദു​ഃഖം. ഒാ​ണ​ത്തി​നും വി​ഷ​വി​നും സ്കൂ​ളി​ന്‍റെ വ​ക കോ​ടി​യു​ണ്ട്. പ​ത്താ​ം ക്ലാ​സി​ന്‍റെ യാ​ത്ര​യ​യ​പ്പ് ദി​വ​സം കു​ഞ്ഞേ​ട്ട​ന് പു​ത്ത​ൻ കോ​ടി ന​ൽ​കു​ന്ന​തും ഒ​രു ച​ട​ങ്ങാ​യി മാ​റി.

അ​ധ്യാ​പ​ക​ർ സ്നേ​ഹ​ത്തോ​ടെ വ​ച്ചു​നീ​ട്ടു​ന്ന സ​മ്മാ​ന​ങ്ങ​ളും വ​സ്ത്ര​ങ്ങ​ളു​മാ​ണ് കു​ഞ്ഞേ​ട്ട​ന്‍റെ ഏ​റ്റ​വും വ​ലി​യ സ​ന്തോ​ഷം.