വേ​ന​ൽ ക​ന​ത്തു; കു​ന്തി​പ്പു​ഴ നീ​ർ​ച്ചാ​ലാ​യി; പ്ര​ദേ​ശ​ത്തെ കി​ണ​റു​ക​ളി​ലെ​യും ജ​ല​നി​ര​പ്പ് താ​ഴ്ന്നു; അനധികൃതമണലെടുപ്പാണ് ജലനിരപ്പ് താഴാൻ കാരണമെന്ന് നാട്ടുകാർ

മ​ണ്ണാ​ർ​ക്കാ​ട്: വേ​ന​ൽ ശ​ക്ത​മാ​യ​തോ​ടെ കു​ന്തി​പ്പു​ഴ നീ​ർ​ച്ചാ​ലാ​യി മാ​റി. പ്ര​ധാ​ന ക​ട​വു​ക​ളാ​യ മാ​സ​പ്പ​റ​ന്പ്, കൈ​ത​ച്ചി​റ, ഞെ​ട്ട​ര​ക്ക​ട​വ് എ​ന്നി​വി​ട​ങ്ങ​ളി​ലെ​ല്ലാം ഒ​ഴു​ക്കു നി​ല​ച്ചു. ഇ​തോ​ടെ പ്ര​ദേ​ശ​ത്തെ കി​ണ​റു​ക​ളി​ലെ​യും ജ​ല​നി​ര​പ്പ് താ​ഴ്ന്നു. മു​ൻ​വ​ർ​ഷ​ങ്ങ​ളി​ൽ ഏ​പ്രി​ൽ, മേ​യ് മാ​സ​ങ്ങ​ളി​ലാ​ണ് ഈ ​സ്ഥി​തി​യു​ണ്ടാ​കാ​റു​ള്ള​ത്.

എ​ന്നാ​ൽ ഇ​ത്ത​വ​ണ വേ​ന​ൽ നേ​ര​ത്തെ​യെ​ത്തി. കു​ന്തി​പ്പു​ഴ​യി​ൽ വെ​ള്ളം​കു​റ​ഞ്ഞ​തോ​ടെ മ​ണ്ണാ​ർ​ക്കാ​ട്ടെ​യും പ​രി​സ​ര​പ്ര​ദേ​ശ​ങ്ങ​ളി​ലെ​യും കു​ടി​വെ​ള്ള​വി​ത​ര​ണ​വും അ​വ​താ​ള​ത്തി​ലാ​കാ​നാ​ണ് സാ​ധ്യ​ത. നി​ല​വി​ൽ കു​ന്തി​പ്പു​ഴ​യി​ൽ കി​ണ​ർ നി​ർ​മി​ച്ച് അ​വി​ടെ​നി​ന്നു​ള്ള വെ​ള്ളം മ​ണ്ണാ​ർ​ക്കാ​ട് ആ​ശു​പ​ത്രി​പ്പ​ടി ടാ​ങ്കി​ലെ​ത്തി​ച്ച് അ​വി​ടെ​നി​ന്നും തെ​ങ്ക​ര, മ​ണ്ണാ​ർ​ക്കാ​ട് പ​ഞ്ചാ​യ​ത്ത് പ​രി​ധി​ക​ളി​ലേ​ക്ക് വി​ത​ര​ണം ചെ​യ്യു​ക​യാ​ണ് ചെ​യ്യു​ന്ന​ത്.

എ​ന്നാ​ൽ നി​ല​വി​ൽ കു​ന്തി​പ്പു​ഴ​യി​ൽ​നി​ന്നും പ​ന്പിം​ഗ് നി​ർ​ത്തി​വ​യ്ക്കേ​ണ്ട സാ​ഹ​ച​ര്യ​മാ​ണു​ള്ള​ത്. അ​ന​ധി​കൃ​ത കൈ​യേ​റ്റ​വും വ്യാ​പ​ക മ​ണ​ലെ​ടു​പ്പു​മാ​ണ് വെ​ള്ളം​വ​റ്റു​ന്ന​തി​നു പ്ര​ധാ​ന കാ​ര​ണ​മാ​കു​ന്ന​ത്.

വേ​ന​ൽ ഇ​നി​യും ശ​ക്ത​മാ​യാ​ൽ പു​ഴ​ക​ൾ കൈ​ത്തോ​ടു​ക​ളാ​യി മാ​റും. കു​ന്തി​പ്പു​ഴ​യ്ക്കു പു​റ​മേ ചൂ​രി​യോ​ട്, നെ​ല്ലി​പ്പു​ഴ, തു​പ്പ​നാ​ട്ടു​പു​ഴ എ​ന്നി​വ​യും വ​റ്റി​വ​ര​ണ്ടു.