കൊച്ചി: വൈറ്റില ജനതാ റോഡിൽ ബസുകൾ കൂട്ടിയിടിച്ച് അപകടം. ഒന്നര വയസുകാരൻ ഉൾപ്പെടെ മൂന്നു പേർക്കു പരിക്കേറ്റു. ഇവർ സമീപത്തെ സ്വകാര്യ ആശുപത്രിയിൽ ചികിത്സതേടി. ഇന്നു രാവിലെ പത്തേകാലോടെയായിരുന്നു അപകടം. സ്വകാര്യ ബസിനു പിന്നിൽ കെയുആർടിസി ലോ ഫ്ളോർ ബസ് ഇടിച്ചാണ് അപകടമുണ്ടായതെന്നു അധികൃതർ പറഞ്ഞു.
ലോ ഫ്ളോർ ബസിൽ സഞ്ചരിച്ചിരുന്നവർക്കാണു പരിക്കേറ്റതെന്നാണു വിവരം. ആശുപത്രിയിൽ പ്രവേശിപ്പിച്ചരെ പ്രാഥമിക ശുശ്രൂഷ നൽകിയശേഷം വിട്ടയച്ചതായും ആരുടെയും ആരോഗ്യനില ഗുരുതരമല്ലെന്നും ആശുപത്രി വൃത്തങ്ങൾ വ്യക്തമാക്കി.
