തെന്നിന്ത്യൻ ചലച്ചിത്ര ലോകം അടക്കി വാണിരുന്ന താരറാണിയാണ് ഖുശ്ബു. ഒരു കാലത്ത് അന്പലവും ഭക്തരും വരെയുണ്ടായിരുന്ന ഗ്ലാമർ താരം. മലയാളചലച്ചിത്രങ്ങളിലും ചിലപ്പോൾ മുഖം കാണിക്കാറുള്ള ഖുശ്ബുവിന് ഇവിടെയും ആരാധകരുണ്ട്. താരം വീണ്ടും മലയാളത്തിൽ എത്തുന്നുവെന്നാണ് റിപ്പോർട്ടുകൾ വന്നിരിക്കുന്നത്. എന്നാൽ ബിഗ് സ്ക്രീനിൽ അല്ല മിനി സ്ക്രീനിലാണ് എത്തുക എന്ന് മാത്രം.
നന്ദിനി എന്ന ഹൊറർ സീരിയലിലാണ് താരം എത്തുക. ചിത്രങ്ങൾ കുറഞ്ഞതോടെ തമിഴ് സീരിയലുകളിൽ ഖുശ്ബു പ്രത്യക്ഷപ്പെട്ടിരുന്നു. മലയാളത്തിൽ അങ്കിൾ ബണ്‍, മാനത്തെ കൊട്ടാരം, കൈയൊപ്പ്, ചന്ദ്രോത്സവം, വൃദ്ധന്മാരെ സൂക്ഷിക്കുക എന്നിങ്ങനെ നിരവധി ചിത്രങ്ങളിൽ അഭിനയിച്ചിട്ടുണ്ട്. മിനി സ്ക്രീൻ ചരിത്രത്തിലെ ബിഗ് ബജറ്റ് സീരിയലിൽ ഒന്നാണ് നന്ദിനി. ഒരു ദേവിയുടെ വേഷത്തിലാണ് ഇതിൽ ഖുശ്ബു എത്തുന്നത്.
