പ​രീ​ക്ഷ ജ​യി​ച്ചു; പിതാവ് വാക്കും പാലിച്ചു;  ഇ​സ്ഹാ​ഖി​ന്‍റെ യാ​ത്ര ഇ​നി കു​തി​ര​പ്പു​റ​ത്ത്

എ​ട​ക്ക​ര: വി​ല​കൂ​ടി​യ ആ​ഢം​ബ​ര ബൈ​ക്കി​ൽ ചീ​റി​പ്പാ​യാ​നും മേ​നി കാ​ട്ടാ​ൻ ഐ​ഫോ​ണ്‍ ഉ​പ​യോ​ഗി​ക്കാ​നും ആ​ഗ്ര​ഹം കാ​ണി​ക്കു​ന്ന കു​ട്ടി​ക​ളി​ൽനി​ന്ന് വ്യ​ത്യ​സ്ത​നാ​വു​ക​യാ​ണ് മാ​മാ​ങ്ക​ര​യി​ലെ ഇ​സ്ഹാ​ഖ് എ​ന്ന പ​തി​ന​ഞ്ചു​കാ​ര​ൻ.

പ്ര​കൃ​തി​യോ​ടി​ണ​ങ്ങി കൃ​ഷി​യോ​ടും വ​ള​ർ​ത്തു​മൃ​ഗ​ങ്ങ​ളോ​ടും അ​ല​ങ്കാ​ര മ​ത്സ്യം വ​ള​ർ​ത്തു​ന്ന​തി​നോ​ടും താ​ൽ​പ​ര്യം കാ​ട്ടു​ന്ന ഇ​സ്ഹാ​ഖ് തി​ക​ച്ചും ആ​ധു​നി​ക യു​വ​ത​ല​മു​റ​യി​ൽ നി​ന്നു വ്യ​ത്യ​സ്ത​നാ​വു​ക​യാ​ണ്.

ഇ​സ​ഹാ​ഖി​നേ​റെ​യി​ഷ്ടം കു​തി​ര സ​വാ​രി​യാ​ണ്. പ​ഠ​ന​ത്തി​ൽ പി​ന്നാ​ക്കം പോ​ക​രു​തെ​ന്ന ഉ​ദ്യേ​ശ​ത്തി​ൽ പ​ത്താം ക്ലാ​സി​ൽ മി​ക​ച്ച വി​ജ​യം നേ​ടി​യാ​ൽ കു​തി​ര​യെ വാ​ങ്ങി ന​ൽ​കാ​മെ​ന്ന് പി​താ​വ് കാ​ഞ്ഞി​രം​പ​റ്റ അ​ബ്ദു​ൾ​ജ​ലീ​ൽ മ​ക​നു വാ​ക്കു​ന​ൽ​കി​യി​രു​ന്നു.

എ​സ്എ​സ്എ​ൽസി ഫ​ലം വ​ന്ന​പ്പോ​ൾ ഇ​സ്ഹാ​ഖ് വി​ജ​യം നേ​ടു​ക​യും ചെ​യ്തു. പ്ര​തീ​ക്ഷി​ച്ച നേ​ട്ടം കൈ​വ​രി​ക്കാ​നാ​യി​ല്ലെ​ങ്കി​ലും പി​താ​വ് ജ​ലീ​ൽ പ​റ​ഞ്ഞ വാ​ക്കു​പാ​ലി​ച്ചു.

ഇ​സ്ഹാ​ഖി​നാ​യി ജ​ലീ​ൽ ചു​റു​ചു​റു​ക്കു​ള്ള ഒ​രു കു​തി​ര​യെ വാ​ങ്ങി ന​ൽ​കി. കു​തി​ര​പ്പു​റ​ത്തേ​റി​യു​ള്ള സ​വാ​രി ഇ​സ്ഹാ​ഖി​നൊ​പ്പം മാ​മാ​ങ്ക​ര​യി​ലെ ജ​ന​ങ്ങ​ളും ആ​സ്വ​ദി​ക്കു​ക​യാ​ണി​പ്പോ​ൾ.