തിരുവില്വാമല: പറക്കോട്ടുകാവ് താലപ്പൊലി എഴുന്നള്ളിപ്പിനിടെ നടന്ന സംഘർഷത്തിൽ രണ്ടു യുവാക്കൾക്ക് കുത്തേറ്റ സംഭവത്തിൽ നാലുപേർ അറസ്റ്റിൽ. തിരുവില്വാമല മലവട്ടം തേലക്കാട്ടുകുന്ന് വിഷ്ണു (24), ഗോകുൽ (22), സുബ്രഹ്്മണ്യൻ (24), മിഥുൻ (26) എന്നിവരെയാണ് പഴയന്നൂർ സിഐ ശ്യാം അറസ്റ്റുചെയ്തത്.
ഞായറാഴ്ച രാത്രി ഏഴോടെ താലപ്പൊലി കൂട്ടിയെഴുന്നള്ളിപ്പിനിടെയാണ് മായന്നൂർ സ്വദേശികളായ ശരത്, വിഷ്ണു എന്നിവർക്ക് കുത്തേറ്റത്. ഗുരുതരമായി പരിക്കേറ്റ രണ്ടുപേരും ചികിത്സയിലാണ്. സംഘർഷം നടക്കുന്ന സമയത്ത് എടുത്ത വീഡിയോ പോലീസിനു കൈമാറിയിരുന്നു. ഇതിൽനിന്നാണ് പ്രതികളെ തിരിച്ചറിഞ്ഞത്.
കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
