കുട്ടനെല്ലൂരുകാരുടെ ശ്രദ്ധയ്ക്ക്! കോ​വി​ഡ് ബാ​ധി​ച്ച വി​ദേ​ശി​ക്കൊ​പ്പം പൂ​ര​ത്തി​ന് നൃ​ത്ത​മാ​ടി​യ​വ​രെ തെ​ര​യു​ന്നു; ആ​ടി​യ​വ​ർ റി​പ്പോ​ർ​ട്ടു ചെ​യ്യ​ണമെന്നു കോർപറേഷൻ

സ്വ​ന്തം ലേ​ഖ​ക​ൻ

തൃ​ശൂ​ർ: കോ​വി​ഡ് സ്ഥി​രീ​ക​രി​ച്ച ബ്രീ​ട്ടീ​ഷ് പൗ​ര​ൻ ഇ​ക്ക​ഴി​ഞ്ഞ എ​ട്ടി​ന് കു​ട്ട​നെ​ല്ലൂ​ർ പൂ​ര​ത്തി​ന് എ​ത്തി നാ​ട്ടു​കാ​ർ​ക്കൊ​പ്പം നൃ​ത്ത​മാ​ടി. പൂ​ര​ത്തി​ന്‍റെ മേ​ള​ത്തി​നൊ​പ്പം ചു​വ​ടു​വ​ച്ച വി​ദേ​ശി​ക്കൊ​പ്പം നാ​ട്ടു​കാ​രി​ൽ ചി​ല​ർ നൃ​ത്ത​മാ​ടു​ക മാ​ത്ര​മ​ല്ല, ആ​ലിം​ഗ​നം ചെ​യ്യു​ക​യും ചെ​യ്തു.

കോ​വി​ഡ് വൈ​റ​സ് ബാ​ധി​ച്ച വി​ദേ​ശി​ക്കൊ​പ്പം ഇ​ട​പ​ഴ​കി​യ​വ​രെ ആ​രോ​ഗ്യ വ​കു​പ്പ് തെ​ര​യു​ക​യാ​ണ്. കു​ട്ട​നെ​ല്ലൂ​ർ പൂ​ര​ത്തി​ന് എ​ത്തും മു​ൻ​പ് ഇ​യാ​ൾ ഉ​ൾ​പ്പെ​ട്ട സം​ഘം ന​ഗ​ര​ത്തി​ലെ പാ​റ​മേ​ക്കാ​വ് ക്ഷേ​ത്ര​ത്തി​ലും വ​ന്നി​രു​ന്നു.

എ​ന്നാ​ൽ ഇ​വ​ർ ക്ഷേ​ത്ര​ത്തി​ന​ക​ത്ത് ക​ട​ന്നി​ല്ല. ഗോ​പു​ര​ത്തി​ന് മു​ന്നി​ൽ ക്ഷേ​ത്രം കാ​വ​ൽ​ക്കാ​രു​മാ​യി സം​സാ​രി​ച്ച് തി​രി​ച്ചു​പോ​വു​ക​യാ​ണു​ണ്ടാ​യ​ത്.

ഇ​വ​ർ സം​ഘം ചേ​ർ​ന്ന് ക്ഷേ​ത്ര​ഗോ​പു​ര​ത്തി​ന് മു​ന്നി​ൽ പ​തി​ന​ഞ്ചു മി​നു​റ്റോ​ളം ചി​ല​വ​ഴി​ച്ചു. ഈ ​സ​മ​യം ഇ​രു​പ​തോ​ളം പേ​ർ ഇ​വ​ർ​ക്ക് സ​മീ​പ​ത്തു​കൂ​ടി ക​ട​ന്നു​പോ​യി​രു​ന്ന​താ​യി സി​സിടി​വി ദൃ​ശ്യ​ങ്ങ​ളി​ൽനി​ന്ന് മ​ന​സി​ലാ​ക്കാ​നാ​യി​ട്ടു​ണ്ട്.

ന​ഗ​ര​ത്തി​ൽ വേ​റെ എ​വി​ടെ​യൊ​ക്കെ​യാ​ണ് പൂ​ര​മോ ഉ​ത്സ​വ​മോ ഉ​ള്ള​തെ​ന്ന് പാ​റ​മേ​ക്കാ​വി​ലെ സെ​ക്യൂ​രി​റ്റി​ക്കാ​രോ​ട് ചോ​ദി​ച്ച​പ്പോ​ഴാ​ണ് കു​ട്ട​നെ​ല്ലൂ​രി​ൽ പൂ​ര​മു​ണ്ടെ​ന്ന് ഇ​വ​ർ മ​ന​സി​ലാ​ക്കി​യ​തും തു​ട​ർ​ന്ന് അ​ങ്ങോ​ട്ടു പോ​യ​തും.

കു​ട്ട​നെ​ല്ലൂ​രി​ൽ പ​ത്മ​ശ്രീ പെ​രു​വ​നം കു​ട്ട​ൻ​മാ​രാ​രു​ടെ പ്രാ​മാ​ണി​ക​ത്വ​ത്തി​ൽ മേ​ളം ന​ട​ക്കു​ന്പോ​ഴാ​ണ് ഇ​വ​ർ എ​ത്തി​യ​ത്. മേ​ളം ആ​സ്വ​ദി​ച്ച ഇ​വ​ർ നാ​ട്ടു​കാ​ർ​ക്കൊ​പ്പം സെ​ൽ​ഫി​യു​മെ​ടു​ത്തു.

വി​ദേ​ശി​ക​ൾ മേ​ള​ത്തി​നൊ​പ്പം കൈ​ക​ളു​യ​ർ​ത്തി ആ​സ്വ​ദി​ക്കു​ന്ന വീ​ഡി​യോ വാ​ട്സാ​പ്പി​ൽ പ്ര​ച​രി​ക്കു​ക​യും ചെ​യ്തി​രു​ന്നു.

മേ​ളം ആ​സ്വ​ദി​ക്കാ​നും പൂ​രം കാ​ണാ​നും നി​ര​വ​ധി പേ​രെ​ത്തി​യി​രു​ന്നു. ഇ​തി​ൽ ആ​രെ​ല്ലാ​മാ​യി ഇ​വ​ർ അ​ടു​ത്തി​ട​പ​ഴ​കി​യെ​ന്ന് വ്യ​ക്ത​മ​ല്ല. ആ​രോ​ഗ്യ​വ​കു​പ്പ് അ​ധി​കൃ​ത​ർ ഇ​ത് ക​ണ്ടെ​ത്താ​നു​ള്ള തീ​വ്ര​ശ്ര​മം ആ​രം​ഭി​ച്ചു ക​ഴി​ഞ്ഞു.

ക​ഴി​യാ​വു​ന്നി​ട​ത്തോ​ളം ദൃശ്യ​ങ്ങ​ൾ ശേ​ഖ​രി​ച്ചു വ​രി​ക​യാ​ണ്.ഈ ​വി​ദേ​ശി​ക​ളു​മാ​യി സ​ന്പ​ർ​ക്കം പു​ല​ർ​ത്തി​യ​വ​രോ അ​വ​രു​മാ​യി അ​ടു​ത്തി​ട​പ​ഴ​കി​യ​വ​രോ ഉ​ണ്ടെ​ങ്കി​ൽ അ​ടി​യ​ന്തര​മാ​യി കോ​വി​ഡ് ക​ണ്‍​ട്രോ​ൾ റൂ​മി​ലെ ഫോ​ണ്‍ ന​ന്പ​റി​ൽ ബ​ന്ധ​പ്പെ​ട​ണം.

കു​ട്ട​നെ​ല്ലൂ​രി​ൽ പൂ​ര​ത്തി​നെ​ത്തി​യ വി​ദേ​ശി​ക​ളു​ടെ സം​ഘ​വു​മാ​യി നി​ര​വ​ധി പേ​ർ അ​ടു​ത്തി​ട​പ​ഴ​കി​യെ​ന്ന് വ്യ​ക്ത​മാ​ണ്. പ​ല​രും സെ​ൽ​ഫി ഫോ​ട്ടോ​ക​ളും ടി​ക് ടോ​ക്കു​മൊ​ക്കെ അ​ന്ന് വാ​ട്സാ​പ്പി​ൽ പോ​സ്റ്റ് ചെ​യ്തി​രു​ന്നു. ഇ​തെ​ല്ലാം ആ​രോ​ഗ്യ​വ​കു​പ്പ് പ​രി​ശോ​ധി​ച്ചു വ​രി​ക​യാ​ണ്.

തൃ​ശൂ​രി​ൽ അ​തി​ര​പ്പി​ള്ളി​യി​ലും ചെ​റു​തു​രു​ത്തി​യി​ലും ബ്രി​ട്ടീ​ഷ് പൗ​ര​നും സം​ഘ​വും സ​ന്ദ​ർ​ശ​നം ന​ട​ത്തി​യ​താ​യി ഇ​ന്ന​ലെ ത​ന്നെ സ്ഥി​രീ​ക​രി​ച്ചി​രു​ന്നു.

ഇ​യാ​ൾ താ​മ​സി​ച്ച ചെ​റു​തു​രു​ത്തി​യി​ലെ റി​സോ​ർ​ട്ട് ജി​ല്ല ഭ​ര​ണ​കൂ​ടം വി​വ​രം അ​റി​ഞ്ഞ ഉ​ട​നെ അ​ട​പ്പി​ച്ചി​രു​ന്നു. റി​സോ​ർ​ട്ട് ജീ​വ​ന​ക്കാ​രും താ​മ​സ​ക്കാ​രു​മ​ട​ക്കം അ​റു​പ​തോ​ളം പേ​ർ ആ​രോ​ഗ്യ​വ​കു​പ്പി​ന്‍റെ നി​രീ​ക്ഷ​ണ​ത്തി​ലാ​ണ്.

അ​തി​ര​പ്പി​ള്ളി​യി​ലെ​ത്തി​യ സം​ഘം അ​വി​ടെനി​ന്നു ഭ​ക്ഷ​ണം ക​ഴി​ച്ചി​ട്ടു​ണ്ട്. പ​രി​യാ​രം പൂ​വ്വ​ത്തി​ങ്ക​ലി​ലു​ള്ള ബാ​ർ ഹോ​ട്ട​ലും ആ​രോ​ഗ്യ​വ​കു​പ്പ് അ​ട​പ്പി​ച്ചു. പ്ര​തി​രോ​ധ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി​ട്ടാ​ണ് അ​ട​പ്പി​ച്ച​ത്.