കു​മ​ര​ക​ത്ത് ഫേസ്ബു​ക്ക് പോ​സ്റ്റി​ന്‍റെ പേ​രി​ൽ കൂ​ട്ട​യ​ടി; ഗർഭിണിക്കുനേരേയും ആക്രമണം; മൂ​ന്നു കേ​സു​ക​ളിലായി 10 പ്ര​തി​ക​ൾ

കു​മ​ര​കം: സ​ന്ന​ദ്ധ സം​ഘ​ട​ന​യു​ടെ ദു​രി​താ​ശ്വ​സ കൂ​പ്പ​ണ്‍ വി​ത​ര​ണ​ത്തി​ലെ അ​പാ​ക​ത ചൂ​ണ്ടി​ക്കാ​ട്ടി ഫേസ്ബു​ക്ക് പോ​സ്റ്റി​ട്ട വി​ഷ​യം കൂ​ട്ട​യ​ടി​യി​ലും വീ​ടി​നു നേ​രേ​യു​ള്ള ക​ല്ലേ​റി​ലും ക​ലാ​ശി​ച്ചു. മൂ​ന്നു സം​ഭ​വ​ങ്ങ​ളി​ലാ​യി പത്തു പേ​ർ​ക്കെ​തി​രേ കു​മ​ര​കം പോ​ലീ​സ് കേ​സ​ടു​ത്തു. കു​മ​ര​കം ചൂ​ള​ഭാ​ഗ​ത്താ​ണ് സം​ഭ​വ​ത്തി​ന് തു​ട​ക്കം.

സ​ന്ന​ദ്ധ സം​ഘ​ട​ന​യു​ടെ ദു​രി​താ​ശ്വാ​സ കി​റ്റ് വി​ത​ര​ണ​ത്തി​ന് കു​മ​ര​ക​ത്തെ ര​ണ്ടും മൂ​ന്നും വാ​ർ​ഡു​ക​ളി​ൽ കൂ​പ്പ​ണ്‍ വി​ത​ര​ണം ചെ​യ്തി​രു​ന്നു. ഇ​തി​ലെ അ​പാ​ക​ത ചൂ​ണ്ടി​ക്കാ​ട്ടി ഒ​രാ​ൾ ഫേസ്ബു​ക്കി​ൽ പോ​സ്റ്റി​ട്ടു. ഇ​തു ചോ​ദ്യം ചെ​യ്ത് ത​ർ​ക്ക​മാ​വു​ക​യും സു​ഹൃ​ത്തു​ക്ക​ൾ ത​മ്മി​ൽ വ​ഴ​ക്കു​ണ്ടാ​വു​ക​യും ചെ​യ്തു. ഇ​താ​യി​രു​ന്നു തു​ട​ക്കം.

പി​റ്റേ​ന്നു രാ​ത്രി ചൂ​ള​ഭാ​ഗ​ത്ത് സു​ധീ​ർ എ​ന്ന​യാ​ളു​ടെ വീ​ടി​നു നേ​രേ ക​ല്ലേ​റു​ണ്ടാ​യി. ഈ ​സം​ഭ​വ​ത്തി​ൽ ക​ണ്ടാ​ൽ അ​റി​യാ​വു​ന്ന നാ​ലു പേ​ർ​ക്കെ​തി​രേ കേ​സെ​ടു​ത്തു. അ​ന്നു ത​ന്നെ മ​നോ​ജ് എ​ന്ന​യാ​ളു​ടെ വീ​ടി​നു നേ​രേ​യും ക​ല്ലേ​റു​ണ്ടാ​യി. ഈ ​സം​ഭ​വ​ത്തി​ലും ക​ണ്ടാ​ല​റി​യ​ാവു​ന്ന മൂ​ന്നു പേ​ർ​ക്കെ​തി​രേ കേ​സെ​ടു​ത്തു.

മ​നോ​ജി​ന്‍റെ ഗ​ർ​ഭി​ണി​യാ​യ ഭാ​ര്യ​യെ അ​സ​ഭ്യം പ​റ​യു​ക​യും ക​യ്യേ​റ്റം ചെ​യ്തെ​ന്നു​മു​ള്ള പ​രാ​തി​യി​ൽ മ​റ്റൊ​രു കേ​സും പോ​ലീ​സ് ര​ജി​സ്റ്റ​ർ ചെ​യ്തു. ജാ​മ്യ​മി​ല്ലാ​ത്ത വ​കു​പ്പു ചു​മ​ത്തി മൂ​ന്നു പേ​ർ​ക്കെ​തി​രേ​യാ​ണ് കേ​സ്.