കുവൈത്ത് സിറ്റി: വിനോദയാത്രക്കിടെ കടലിൽ അകപ്പെട്ട സുഹൃത്തുക്കളുടെ കുട്ടികളെ രക്ഷിക്കുന്നതിനിടെ യുവാവിനു ദാരുണാന്ത്യം. കണ്ണൂര്‍ പേരാവൂര്‍ അനുങ്ങോട് മനതണ പന്തപ്ലാക്കൽ സനിൽ ജോസഫ് ആണ് മരിച്ചത്.
കടലിൽ കുളിക്കുന്നതിനിടെ സുഹൃത്തുകളുടെ കുട്ടികൾ തിരമാലകളില്‍ അകപ്പെടുകയായിരുന്നു. ഇവരെ രക്ഷിക്കുന്നതിനിടെ സനിലും കടലിൽ അകപ്പെട്ടു. ഒപ്പമുണ്ടായിരുന്നവര്‍ ഓടിക്കൂടി സനിലിനെ രക്ഷപ്പെടുത്തി എയര്‍ ആംബുലന്‍സില്‍ മുബാറഖിയ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.
നിസാന്‍ അല്‍ ബാപ്റ്റെയിന്‍ ഓട്ടോമൊബൈല്‍ കമ്പനിയില്‍ ജോലി നോക്കുകയായിരുന്നു സനിൽ.
