കുമരകം: കുവൈറ്റ് രാജാവ് കുമരകത്ത്. കുവൈറ്റ് അമീർ ജാബർ അൽ അഹമ്മദ് അൽ സാബായും അദ്ദേഹത്തിന്‍റെ സംഘവും ഇന്ന് ഉച്ചയ് ക്കു രണ്ടിനു കുമരകത്ത് എത്തും. കൊച്ചിയിൽനിന്നു ഹെലികോപ്റ്ററിലെത്തുന്ന സംഘത്തിൽ ഒന്പതുപേരുണ്ടാകും.
കുമരകം സൂരി ഹോട്ടലിലെ 15 മുറികൾ രാജാവിന്‍റെ സൗകര്യാനുസരണം സജ്ജീകരിച്ചിട്ടുണ്ട്. സംഘത്തിൽ അമീറിന്‍റെ മകനും കുവൈറ്റ് മന്ത്രിയുമായ നാസർ അൽ സബാ അൽ അഹമ്മദും ഉണ്ട്.
അമീറും മകനും മറ്റു രാജകുടുംബാഗങ്ങളും ഇന്നുതന്നെ ആലപ്പുഴ കായിപ്പുറം അവാക്കി റസ്റ്ററന്‍റിലേക്കു പോകും. മറ്റുള്ളവർ സൂരി ഹോട്ടലിൽ താമസിക്കും. അഞ്ചിന് രാജാവും സംഘവും മടങ്ങും.
