കീവ്: റഷ്യയിലെ പ്രശസ്ത മോഡലും മോട്ടോർ ബൈക്ക് ബ്ലോഗറുമായിരുന്ന എലീന കുസാവിനി (41) അപകടത്തിൽ മരിച്ചു. കഴിഞ്ഞയാഴ്ച ഉക്രയിൻ തലസ്ഥാനമായ കീവിലെ ഗസ്റ്റോമൽ മോട്ടോർവേയിൽ എലീന സഞ്ചരിച്ചിരുന്ന ബിഎംഡബ്ള്യു ബൈക്ക് ഫോക്സ്വാഗണ് കാറുമായി കൂട്ടിയിടിച്ചായിരുന്നു അപകടം.
കാർ ഇൻഡിക്കേറ്റർ ഇടാതെ വഴിയിൽനിന്നു തിരിഞ്ഞതാണ് അപകടത്തിനു കാരണമായതെന്നാണു പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. ഗുരുതരമായി പരിക്കേറ്റ എലീനയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ഇൻസ്റ്റഗ്രാമിൽ ഒന്നരലക്ഷത്തില്‍ അധികം ആളുകള്‍ പിന്തുടരുന്ന എലീനയുടെ വീഡിയോയും ചിത്രങ്ങളും എറെപേർ പിന്തുടർന്നിരുന്നു. വളർത്തുനായയ്ക്കൊപ്പം ഇവർ പോസ്റ്റ്ചെയ്തിരുന്ന ചിത്രങ്ങളും ഏറെ പ്രശസ്തി നേടി. അഞ്ചു ദിവസം മുന്പാണ് എലീന തന്‍റെ ഇൻസ്റ്റഗ്രാം അക്കൗണ്ടിൽ അവസാന ചിത്രം പോസ്റ്റ് ചെയ്യുന്നത്.
