തൃശൂർ: കല്ലിടൽ ഭീതിയിൽ നിൽക്കുന്പോൾ കോർപറേഷനിലെ വിവിധ പ്രദേശങ്ങളിൽ റോഡുകളിൽ “എൽ’ എന്നു മാർക്ക് ചെയ്തു പോകുന്നതു നാട്ടുകാരിൽ ആശങ്കയുണർത്തുന്നു.
കെ-റെയിൽ അലൈൻമെന്‍റിനായി വിവിധയിടങ്ങളിൽ സർവേ കല്ലുകൾ സ്ഥാപിക്കുന്നതിനാൽ ജനങ്ങൾ ഇതുസംബന്ധിച്ച് ആശങ്കാകുലരാണ്.
കൃത്യമായി അറിയിപ്പും വിവരങ്ങളോ നൽകാതെയാണ് അർധരാത്രിയിൽ വന്ന “എൽ’ എന്നു വെള്ളനിറത്തിലുള്ള പെയിന്‍റ് ഉപയോഗിച്ചു മാർക്ക് ചെയ്തു പോയിരിക്കുന്നത്.
ഇതു സംബന്ധിച്ച് ജനങ്ങൾക്ക് ഉണ്ടായിട്ടുള്ള ആശങ്ക പരിഹരിക്കണമെന്നും എന്തിനാണ് ഇങ്ങനെ റോഡുകളിൽ രഹസ്യസ്വഭാവത്തോടെ മാർക്ക് ചെയ്തു പോവുന്നതെന്നും വ്യക്തമാക്കണമെന്നാവശ്യപ്പെട്ട് നഗരാസൂത്രണകാര്യ സ്റ്റാൻഡിംഗ് കമ്മിറ്റി ചെയർമാൻ ജോണ് ഡാനിയൽ മേയർക്കു കത്തുനൽകി.
എന്തു പ്രവൃത്തിയുടെ ഭാഗമാണെങ്കിലും അതു ജനങ്ങളെ അറിയിക്കേണ്ടത് ഉത്തരവാദിത്തമാണെന്നു ജോണ് ഡാനിയൽ പറഞ്ഞു.
