ചാത്തന്നൂർ: ഒന്നേകാൽ ലക്ഷത്തോളം രൂപ വിലവരുന്ന നിരോധിത പുകയില ഉല്പന്നങ്ങങ്ങളുമായി രണ്ടു പേരെ ചാത്തന്നൂർ പോലീസ് അറസ്റ്റ് ചെയ്തു.കരുനാഗപ്പള്ളി കുലശേഖരപുരം കെ.എസ്.മൻസിലിൽ കബീർ (37) കബീറിന്റെ സഹോദരപുത്രൻ നസീം (22) എന്നിവരാണ് പിടിയിലായത്.രഹസ്യ വിവരത്തിന്‍റെ അടിസ്ഥാനത്തിൽ ദേശീയപാതയിൽ ഇത്തിക്കര പാലത്തിന് സമീപം വച്ചാണ് ഇവരെ പിടികൂടിയത്.
ഡോക്ടർമാരുടെ സ്റ്റിക്കർ ഒട്ടിച്ച ആഡംബര കാർ അമിത വേഗത്തിലാണ് ‘ വന്നത്.കൃത്രിമ അപകടം ഉണ്ടാക്കിയാണ് കാർ തടഞ്ഞു നിർത്തിയത്.തമിഴ്നാട്ടിൽ നിന്നും കൊണ്ടുവരുന്ന നിരോധിത പുകയില ഉല്പന്നങ്ങൾ കൊല്ലം, ആലപ്പുഴ ജില്ലകളുടെ വിവിധ ഭാഗങ്ങളിൽ പെട്ടി കടകളിലെത്തിക്കും.ഏജന്റുമാരെ വച്ച് ചില്ലറ വില്പന നടത്തിതി വരികയായിരുന്നു.
ആഴ്ചയിൽ നാലു ദിവസം തമിഴ്നാട്ടിൽ നിന്ന് ലക്ഷക്കണക്കിന് രൂപയുടെ നിരോധിത പുകയില ഉല്പന്നങ്ങൾ കടത്തികൊണ്ടുവരികയായിരുന്നു. പിടിക്കുമ്പോൾ ഒന്നര ലക്ഷത്തോളം രൂപ വിലവരുന്ന 2100 പാക്കറ്റ് ഉൽപ്പന്നങ്ങൾ ഉണ്ടായിരുന്നതായി പോലീസ് പറഞ്ഞു.
