നെടുമങ്ങാട് : ക്രിസ്മസ്-പുതുവത്സരത്തോടനു ബന്ധിച്ചുള്ള സ്പെഷ്യൽ ഡ്രൈവിന്‍റെ ഭാഗമായി നെടുമങ്ങാട് എക്സൈസ് എക്സൈസ് സർക്കിൾ ഇൻസ്‌പെക്ടറുടെ നേതൃത്വത്തിൽ നെടുമങ്ങാട് – പനവൂർ കൊല്ല ജങ്ഷന് സമീപം വച്ച് നടത്തിയ പരിശോധനയിൽ യുവാവ് പിടിയിൽ.
ഹോണ്ട ഡിയോ സ്കൂട്ടറിൽ 55 ഗ്രാം കഞ്ചാവ് സൂക്ഷിച്ച് കടത്തിക്കൊണ്ട് വന്നതിന് അനാട് തത്തൻകോട് പള്ളിവിളാകത്തു പുത്തൻ വീട്ടിൽ ഷിനു (25) ആണ് അറസ്റ്റിലായത്
ഇയാൾ മുൻപും കഞ്ചാവ് കേസിലെ പ്രതിയാണ്. കഞ്ചാവ് കടത്താനുപയോഗിച്ച വാഹനവും പോലീസ് പിടിച്ചെടുത്തു.
നെടുമങ്ങാട് എക്സൈസ് സർക്കിൾ ഇൻസ്പെക്ടറായ ബി.ആർ. സുരൂപിന്‍റെ നേതൃത്വത്തിൽ പ്രിവന്‍റീവ് ഓഫീസറായ അനിൽകുമാർ, നാസറുദീൻ സിവിൽ എക്സൈസ് ഓഫീസർമാരായ നജിമുദ്ദീൻ, മുഹമ്മദ്‌ മിലാദ്, ഷജിം, ശ്രീകാന്ത് വനിതാ സിവിൽ എക്സൈസ് ഓഫീസർ രജിത, ഡ്രൈവർ മുനീർ എന്നിവരടങ്ങുന്ന സംഘമാണ് പ്രതിയെ പിടികൂടിയത്.
