കൊച്ചി: വില്പനയ്‌ക്കെത്തിച്ച 45 നൈട്രോസെപാം ഗുളികകളുമായി യുവാവ് അറസ്റ്റില്‍. മട്ടാഞ്ചേരി സൗദി കോളനിയില്‍ താമസിക്കുന്ന ജോസഫി(35)നെയാണ് എറണാകുളം സൗത്ത് എസ്‌ഐ സി. ശരത്തിന്‍റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.
ഇന്നലെ മട്ടുമ്മല്‍ വിദ്യാവിഹാര്‍ റോഡില്‍ ലഹരി ഗുളിക വില്‍ക്കാനായി നിൽക്കുമ്പോള്‍ പോലീസിനെ കണ്ട് ഇയാള്‍ ഓടിരക്ഷപ്പെടാന്‍ ശ്രമിച്ചു. സംശയം തോന്നിയ പോലീസ് സംഘം ചോദ്യം ചെയ്തപ്പോഴാണ് നൈട്രോസെപ്പാം ഗുളികകള്‍ കണ്ടെത്തിയത്.
വില്പനയ്ക്കും സ്വന്തം ആവശ്യത്തിനുമായി സൂക്ഷിച്ച ലഹരി ഗുളികകളാണെന്നാണ് ഇയാള്‍ പോലീസിനോട് പറഞ്ഞത്. ജോസഫിനെതിരേ നേരത്തെ തോപ്പുപടി പോലീസ് സ്‌റ്റേഷനില്‍ ലഹരിക്കേസുണ്ട്. പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
