കരുനാഗപ്പള്ളി : ലഹരിവിരുദ്ധ സന്ദേശവുമായി കാസർഗോഡ് നിന്ന് തിരുവനന്തപുരത്തേക്ക് നടക്കുന്ന സന്ദേശ യാത്രക്ക് കേരള യൂത്ത് പ്രമോഷൻ കൗൺസിലിന്‍റെ നേതൃത്വത്തിൽ സ്വീകരണം നൽകി. ഗുരുവായൂർ ശ്രീകൃഷ്ണ ഹയർസെക്കണ്ടറി സ്‌കൂളിലെ പ്ലസ്‌ ടു വിദ്യാർഥിയായ നിഹാദ്, ഗവഃ ഹയർസെക്കണ്ടറി സ്‌കൂളിലെ പ്ലസ്‌ ടു വിദ്യാർഥിയായ അൻഷാദ് എന്നിവരാണ് യാത്രികർ.
കെ എസ് ആർടി സി പരിസരത്തുനടന്ന സ്വീകരണപരിപാടി കേരള യൂത്ത് പ്രമോഷൻ കൗൺസിൽ സംസ്ഥാന ചെയർമാൻ ഡോ. സുമൻജിത്ത്മിഷ ഉദ്‌ഘാടനം ചെയ്തു.പള്ളിക്കലാർ സംരക്ഷണ സമിതി സെക്രട്ടറി ജി. മഞ്ജുക്കുട്ടൻ അധ്യക്ഷതവഹിച്ചു.
എക്‌സൈസ് സബ് ഇൻസ്‌പെക്ടർ സിജിലാൽ, എക്‌സൈസ് ഓഫീസർ അനിൽകുമാർ, എൻ. സി സി ഓഫീസർ തുളസീധരൻ, സന്നദ്ധ സംഘടനാ പ്രവർത്തകരായ സിയാദ്, വിഷ്ണു പ്രസാദ്, മനാഫ്, അനസ് മുണ്ടപ്പള്ളി എന്നിവർ നേതൃത്വം നൽകി.
