കൊച്ചി: ഹൃദയദാതാവായ ലാലിയുടെ മകള്‍ ദേവികയുടെ വാക്കുകള്‍ ഇങ്ങനെ: ”ജീവിച്ചിരുന്നപ്പോൾ അമ്മ എപ്പോഴും എല്ലാവരെയും സഹായിച്ചിട്ടേയുള്ളൂ. മരണവേളയിലും അങ്ങനെതന്നെയായി.
അമ്മയുടെ രോഗം ഏറെ വിഷമിപ്പിച്ചിരുന്നു. ഞങ്ങളെപ്പോലെ കരയുന്നവർക്കൊരു സഹായമായാണ് അവയവദാനത്തിന് തയാറായത്’. ലാലിയുടെ ഹൃദയത്തിനു പുറമേ വൃക്കകളും കണ്ണുകളും ദാനം ചെയ്തു. ഗോപികയും ഗോപീഷുമാണു മറ്റു മക്കള്‍.
മൂന്നാറില്‍ മാധ്യമപ്രവര്‍ത്തകനായ ഷിബുവിന്‍റെ ഭാര്യയാണു ഹൃദയം സ്വീകരിച്ച ലീന. വിദ്യാര്‍ഥികളായ ഷിയോണയും ബേസിലുമാണു മക്കള്‍. അവയവദാനത്തിനു സന്നദ്ധരായ ലാലിയുടെ കുടുംബത്തോടു വലിയ കടപ്പാടുണ്ടെന്ന് ഇവര്‍ പറഞ്ഞു.
