നടി ലെന അഭിനയരംഗത്ത് എത്തിയിട്ടു വർഷങ്ങളായി. സിനിമ-സീരിയൽ രംഗത്ത് എത്തി വർഷങ്ങൾ കഴിഞ്ഞിട്ടും ഈ രംഗത്തെത്തിയ കാലത്തെ അതേ ലുക്കിൽ തന്നെയാണ് നടി ഇപ്പോഴും.
ലെനയുടെ ഹിറ്റായ പഴയ ആൽബങ്ങൾ ഇപ്പോഴും സമൂഹ മാധ്യമങ്ങളിലൂടെ വൈറലാവാറുണ്ട്. എന്നാൽ നടിയിപ്പോൾ ഇൻസ്റ്റാഗ്രാമിലൂടെ പങ്കുവച്ച ചിത്രമാണ് ശ്രദ്ധേയമായിരിക്കുന്നത്. പഴയൊരു സീരിയലിൽ അഭിനയിച്ചതിനെ കുറിച്ചാണ് ലെന പറയുന്നത്.
ലെനയ്ക്കൊപ്പം നടി ശ്രീവിദ്യയാണ് ചിത്രത്തിലുള്ളത്. തന്‍റെ ജീവിതം മാറ്റി മറിച്ച ടെലിവിഷൻ സിരീസാണ് ഓമനത്തിങ്കൾ പക്ഷി. ഇന്ന് രാത്രി 7.30 മുതൽ വീണ്ടും ഈ പരന്പര ടെലികാസ്റ്റ് ചെയ്യുന്നുണ്ടെന്ന് പറഞ്ഞ് കൊണ്ടാണ് ലെന ഇന്നലെ പോസ്റ്റ് ഇട്ടത്.
ലെനയുടെ പോസ്റ്റിന് താഴെ സിനിമാ താരങ്ങളടക്കം ഒരുപാട്പേരാണ് കമന്‍റുകൾ ഇട്ടിരിക്കുന്നത്. ഞാൻ പണ്ട് ഇത് കണ്ടിട്ടുണ്ട്. അടിപൊളി ആയിരുന്നു എന്നാണ് നടി അനുശ്രീയുടെ കമന്‍റ്.
ആ സമയത്ത് ഏഷ്യാനെറ്റില്‍ ഒരുപാട് നല്ല സീരിയലുകളുണ്ടായിരുന്നു. അമ്മമാർ ഇപ്പോൾ വാർത്ത കണ്ടിരിക്കുകയായിരുന്നു. ഇനി മുതൽ എല്ലാവരും സീരിയൽ മാത്രമായിരിക്കും കാണുന്നതെന്ന് പറയുകയാണ് ചില ആരാധകർ.
വിവാഹത്തോടെ ആറേഴ് മാസം അഭിനയത്തിൽ നിന്നു വിട്ട് നിന്ന താൻ വരുമാനമൊന്നുമില്ലാതെ വീട്ടിലിരിക്കുകയായിരുന്നു. അങ്ങനെയിരിക്കുന്നത് ശരിയാവില്ലെന്ന് തോന്നിയിരുന്നു. കരിയറിൽ ബ്രേക്ക് വന്ന സമയത്താണ് ഓമനത്തിങ്കൾ പക്ഷി എന്ന സീരിയിലേക്ക് നായികാവേഷം വരുന്നത്.
കേട്ടപാതി ഓകെ പറയുകയായിരുന്നു. ആ സീരിയൽ മലയാള ടെലിവിഷൻ റേറ്റിംഗിൽ ഹിറ്റായി. അങ്ങനെയാണ് താൻ അഭിനയത്തിലേക്ക് വീണ്ടും എത്തിയതെന്ന് ലെന പല അഭിമുഖങ്ങളിലും പറഞ്ഞിട്ടുണ്ട്. ലേഡി മമ്മൂട്ടി എന്ന പേരിലാണ് ലെന ഇപ്പോൾ അറിയപ്പെടുന്നത്.
അഭിനയ രംഗത്തേക്ക് ലെന വന്നപ്പോഴുള്ള ലുക്ക് തന്നെയാണ് ഇപ്പോഴുമെന്ന് ആരാധകർ പറയുന്നുണ്ട്. വർഷമെത്ര കഴിഞ്ഞിട്ടും സൗന്ദര്യത്തിന്‍റെ കാര്യത്തിൽ നടിയെ തോൽപ്പിക്കാൻ മറ്റാരുമില്ലെന്ന് വേണം പറയാൻ.
ഏത് കഥാപാത്രവും അനായാസം അവതരിപ്പിക്കാൻ കഴിവ് ലെനയ്ക്കുണ്ട്. തന്നെക്കാൾ മുതിർന്ന താരങ്ങളുടെ അമ്മ വേഷം അവതരിപ്പിച്ചും നായികയായും വില്ലത്തിയായിട്ടുമൊക്കെ നടി കൈയടി വാങ്ങിയിരുന്നു.
