പു​ലീ, നീ ​എ​വി​ടെ…?  ആകാശത്തിലൂടെ പാറിനടന്ന് ഡ്രോണുകൾ; കൂടൊരുക്കി വനം വകുപ്പ്; ആ​ടു​ക​ളെ ഭ​ക്ഷി​ക്കാ​മെ​ന്ന മോ​ഹ​ത്തി​ൽ  കൂ​ട്ടി​ൽ​ക്ക​യ​റി​യാ​ലും ആ​ടു​ക​ളെ കി​ട്ടി​ല്ല; ആർക്കും അറിയാത്ത കാരണം ഇങ്ങനെ…

ക​ല​ഞ്ഞൂ​ർ: ക​ല​ഞ്ഞൂ​രി​ലെ ജ​ന​വാ​സ മേ​ഖ​ല​യി​ൽ പു​ലി​യു​ടെ സാ​ന്നി​ധ്യം വെ​ളി​പ്പെ​ട്ട​തോ​ടെ ഇ​തി​നെ ക​ണ്ടെ​ത്താ​നു​ള്ള തെ​ര​ച്ചി​ൽ ഇ​ന്ന​ലെ​യും തു​ട​ർ​ന്നു. ഡ്രോ​ൺ ഉ​പ​യോ​ഗി​ച്ചു​ള്ള പ​രി​ശോ​ധ​ന​യാ​ണ് ന​ട​ക്കു​ന്ന​ത്. വ​ക​യാ​ർ മേ​ഖ​ല​യി​ലാ​ണ് ഇ​ന്ന​ലെ പ​രി​ശോ​ധ​ന ന​ട​ന്ന​ത്.

ചെ​ന്നൈ ആ​സ്ഥാ​ന​മാ​ക്കി പ്ര​വ​ർ​ത്തി​ക്കു​ന്ന സെ​ൻ​സ് ഇ​മേ​ജ് പ്രൈ​വ​റ്റ് ലി​മി​റ്റ​ഡ് ക​ന്പ​നി​യി​ൽ നി​ന്നെ​ത്തി​ച്ച ആ​ധു​നി​ക ഉ​പ​ക​ര​ണ​ങ്ങ​ളു​ടെ സ​ഹാ​യ​ത്തോ​ടെ ഞാ​യ​റാ​ഴ്ച​യാ​ണ് വ്യാ​പ​ക പ​രി​ശോ​ധ​ന തു​ട​ങ്ങി​യ​ത്. ഞാ​യ​റാ​ഴ്ച ഉ​ച്ച​ക​ഴി​ഞ്ഞ് ആ​രം​ഭി​ച്ച പ​രി​ശോ​ധ​ന രാ​ത്രി​യി​ലും തു​ട​ർ​ന്നി​രു​ന്നു.

ഇ​തി​നി​ടെ വ​ക​യാ​ർ ഭാ​ഗ​ത്ത് പു​ലി​യെ ക​ണ്ട​താ​യ സൂ​ച​ന​ക​ളു​ടെ അ​ടി​സ്ഥാ​ന​ത്തി​ലാ​ണ് ഇ​ന്ന​ലെ അ​വി​ടെ പ​രി​ശോ​ധ​ന ന​ട​ത്തി​യ​ത്. വ​ക​യാ​ർ ച​ന്ത, സെ​ന്‍റ് തോ​മ​സ് സ്കൂ​ൾ പ​രി​സ​രം എ​ന്നി​വി​ട​ങ്ങ​ളി​ലാ​ണ് പ്ര​ധാ​ന​മാ​യും പ​രി​ശോ​ധ​ന ന​ട​ന്ന​ത്.

ടാ​പ്പിം​ഗ് നി​ല​ച്ച റ​ബ​ർ​ത്തോ​ട്ട​ങ്ങ​ളി​ൽ കാ​ട് വ​ള​ർ​ന്നി​ട്ടു​ള്ള​തി​നാ​ൽ പു​ലി​ക്ക് ഒ​ളി​ത്താ​വ​ള​മാ​കു​മോ​യെ​ന്ന ആ​ശ​ങ്ക​യു​ണ്ട്.
ഇ​ന്ന​ലെ പ്ര​ധാ​ന​മാ​യും പ​രി​ശോ​ധ​ന ന​ട​ന്ന ക​ല​ഞ്ഞൂ​ർ രാ​ക്ഷ​സ​ൻ​പാ​റ പ​രി​സ​ര​ങ്ങ​ൾ കാ​ടാ​യി മാ​റി​യി​രി​ക്കു​ക​യാ​ണ്.

ഏറെ പ​ണി​പ്പെ​ട്ടാ​ണ് പ​രി​ശോ​ധ​ക സം​ഘ​വും ജ​ന​പ്ര​തി​നി​ധി​ക​ള​ട​ക്ക​മു​ള്ള​വ​രും രാ​ക്ഷ​സ​ൻ​പാറ​യു​ടെ മു​ക​ളി​ലേ​ക്ക് എ​ത്തി​യ​ത്.

ക​ല്യാ​ൺ സോ​മ​ൻ ഡ​യ​റ​ക്ട​റാ​യി​ട്ടു​ള്ള ടീ​മി​ൽ അ​നി​ൽ​കു​മാ​ർ മ​ച്ചാ​നി ശ്രീ​റാം, ദാ​സ്, ദി​വ്യ സു​ന്ദ​ർ എ​ന്നി​വ​രാ​ണ് പ​രി​ശോ​ധ​നാ സം​ഘ​ത്തി​ലു​ള്ള​ത്.

കൂ​ട്ടി​ൽ​ക്ക​യ​റി​യാ​ലും ആ​ടു​ക​ളെ കി​ട്ടി​ല്ല
ക​ല​ഞ്ഞൂ​ർ: ആ​ടു​ക​ളെ ഭ​ക്ഷി​ക്കാ​മെ​ന്ന മോ​ഹ​ത്തി​ൽ പു​ലി കൂ​ട്ടി​ൽ ക​യ​റേ​ണ്ട​തി​ല്ല. ക​ല​ഞ്ഞൂ​രി​ലെ പാ​ക്ക​ണ്ട​ത്തും കാ​ര​യ്ക്കാ​ക്കു​ഴി​യി​ലു​മാ​യി ര​ണ്ടു കൂ​ടു​ക​ളാ​ണ് വ​നം​വ​കു​പ്പ് സ്ഥാ​പി​ച്ചി​ട്ടു​ള്ള​ത്. ര​ണ്ടു കൂ​ടു​ക​ളി​ലും ഓ​രോ ആ​ടു​ക​ളെ​യാ​ണ് കെ​ട്ടി​യി​രി​ക്കു​ന്ന​ത്.

കൂ​ടി​ന് ര​ണ്ട് അ​റ​ക​ളു​ള്ള​താ​യി വ​ന​പാ​ല​ക​ർ പ​റ​ഞ്ഞു. അ​തു​കൊ​ണ്ടു​ത​ന്നെ പു​ലി കൂ​ട്ടി​ൽ ക​യ​റി​യാ​ലും ആ​ടു​ക​ൾ ഇ​ര​യാ​യി മാ​റി​ല്ല. പു​ലി ക​യ​റു​ന്പോ​ൾ ത​ന്നെ ആ​ടു​ക​ളെ കെ​ട്ടി​യി​രി​ക്കു​ന്ന ഭാ​ഗ​വും അ​ട​യു​ന്ന രീ​തി​യി​ലാ​ണ് ക്ര​മീ​ക​ര​ണം.

ഇ​തോ​ടെ കൂ​ട്ടി​ൽ ക​യ​റു​ന്ന പു​ലി​ക്ക് ആ​ടി​നെ പി​ടി​ക്കാ​നാ​കി​ല്ല. ജ​ന്തു സം​ര​ക്ഷ​ണ നി​യ​മ​പ്ര​കാ​രം തീ​റ്റ ന​ൽ​കി പു​ലി​യെ പി​ടി​ക്കാ​നാ​കി​ല്ലെ​ന്നും വ​ന​പാ​ല​ക​ർ പ​റ​ഞ്ഞു.

വ്യാ​ഴാ​ഴ്ച രാ​ത്രി​യാ​ണ് കൂ​ടു​ക​ൾ വ​നം​വ​കു​പ്പ് സ്ഥാ​പി​ച്ച​ത്, പ്ര​ദേ​ശ​വാ​സി​ക​ളി​ൽ​നി​ന്ന് ഏ​റ്റെ​ടു​ത്ത ഓ​രോ ആ​ടു​ക​ളെ അ​ന്നു​ത​ന്നെ കൂ​ട്ടി​ൽ ബ​ന്ധി​ച്ചു. ഇ​വ​യ്ക്ക് തീ​റ്റ​യും വെ​ള്ള​വും വ​ന​പാ​ല​ക​ർ എ​ത്തി​ക്കു​ന്നു​ണ്ട്.

വ​ന​പാ​ല​ക​രു​ടെ പ്ര​ത്യേ​ക സം​ഘ​ത്തെ കൂ​ട് സ്ഥാ​പി​ച്ച പ്ര​ദേ​ശ​ത്തു നി​യോ​ഗി​ച്ചി​രി​ക്കു​ക​യാ​ണ്. ഇ​വി​ട​ങ്ങ​ളി​ൽ കാ​മ​റ​ക​ളും സ്ഥാ​പി​ച്ചി​ട്ടു​ണ്ട്. എ​ന്നാ​ൽ ഈ ​ദി​വ​സ​ങ്ങ​ളി​ൽ പു​ലി​യു​ടെ ദൃ​ശ്യം കാ​മ​റ​യി​ലും പ​തി​ഞ്ഞി​ട്ടി​ല്ല.