വ​ർ​ക്കിം​ഗ് ക​മ്മി​റ്റി​ക്കു മു​ക​ളി​ൽ പാ​ർ​ല​മെ​ന്‍റ് ബോ​ർ​ഡ് വേ​ണം; വി​വാ​ദ ക​ത്തി​ന്‍റെ തു​ട​ക്കം തരൂ​രി​ന്‍റെ വീ​ട്ടി​ൽ

ജോ​ർ​ജ് ക​ള്ളി​വ​യ​ലി​ൽ
ന്യൂ​ഡ​ൽ​ഹി: കോ​ണ്‍​ഗ്ര​സി​ൽ വ​ർ​ക്കിം​ഗ് ക​മ്മി​റ്റി​ക്കു മു​ക​ളി​ലാ​യി ഉ​ന്ന​ത നേ​താ​ക്ക​ളു​ടെ പാ​ർ​ല​മെ​ന്‍റ​റി ബോ​ർ​ഡ് രൂ​പീ​ക​രി​ക്ക​ണ​മെ​ന്ന് 23 നേ​താ​ക്ക​ളു​ടെ ക​ത്തി​ൽ ആ​വ​ശ്യം.

പു​തി​യ മു​ഴു​സ​മ​യ പ്ര​സി​ഡ​ന്‍റ് വേ​ണ​മെ​ന്ന് ആ​വ​ശ്യ​പ്പെ​ട്ട് 23 നേ​താ​ക്ക​ളെ​ഴു​തി​യ വി​വാ​ദ ക​ത്തി​ലാ​ണ് ബി​ജെ​പി​യി​ലേ​തു പോ​ലെ പാ​ർ​ല​മെ​ന്‍റ​റി ബോ​ർ​ഡ് രൂ​പീ​ക​രി​ക്കാ​ൻ ആ​വ​ശ്യം ഉ​ന്ന​യി​ച്ച​ത്.

പാ​ർ​ല​മെ​ന്‍റ​റി ബോ​ർ​ഡ്, സം​ഘ​ട​നാ തെ​ര​ഞ്ഞെ​ടു​പ്പ് അ​ട​ക്കം ത​ങ്ങ​ൾ ഉ​ന്ന​യി​ച്ച കാ​ര്യ​ങ്ങ​ളി​ൽ തു​റ​ന്ന ച​ർ​ച്ച വേ​ണ​മെ​ന്നും ത​ത്കാ​ലം കാ​ത്തി​രു​ന്നു കാ​ണാ​നു​മാ​ണു ക​ത്തെ​ഴു​തി​യ നേ​താ​ക്ക​ളു​ടെ തീ​രു​മാ​നം.

ത​ങ്ങ​ളെ​ഴു​തി​യ ക​ത്തു പൊ​തു​ച​ർ​ച്ച​യ്ക്കാ​യി പു​റ​ത്തു​വി​ട​ണ​മെ​ന്നും ക​ത്തി​ൽ ഉ​ന്ന​യി​ച്ചി​രി​ക്കു​ന്ന ആ​വ​ശ്യ​ങ്ങ​ളെ​ക്കു​റി​ച്ചു ഫ​ല​പ്ര​ദ​മാ​യ ച​ർ​ച്ച​യും ന​ട​പ​ടി​ക​ളും വേ​ണ​മെ​ന്നു​മാ​ണ് ആ​വ​ശ്യം.

പ്ര​വ​ർ​ത്ത​ക സ​മി​തി യോ​ഗ​ത്തി​ൽ ഒ​റ്റ​പ്പെ​ട്ടു പോ​യെ​ങ്കി​ലും ക​ത്തി​ൽ ഒ​പ്പു​വ​ച്ച നേ​താ​ക്ക​ൾ പി​ൻ​വാ​ങ്ങി​യി​ട്ടി​ല്ലെ​ന്ന​തു പാ​ർ​ട്ടി​യി​ൽ വ​ലി​യ ഭി​ന്ന​ത​യ്ക്കു ക​ള​മൊ​രു​ക്കി​യി​രി​ക്കു​ക​യാ​ണ്.

വ​ർ​ക്കിം​ഗ് ക​മ്മി​റ്റി യോ​ഗ​ത്തി​നു തൊ​ട്ടു​പി​ന്നാ​ലെ രാ​ജ്യ​സ​ഭ​യി​ലെ പ്ര​തി​പ​ക്ഷ നേ​താ​വു കൂ​ടി​യാ​യ ഗു​ലാം ന​ബി ആ​സാ​ദി​ന്‍റെ വ​സ​തി​യി​ൽ ക​ത്തെ​ഴു​തി​യ ഒ​ൻ​പ​തു നേ​താ​ക്ക​ൾ യോ​ഗം ചേ​ർ​ന്ന​തു ത​ന്നെ നീ​ണ്ട കാ​ല​ത്തേ​ക്കു​ള്ള പോ​രാ​ട്ട​ത്തി​നു​ള്ള സൂ​ച​ന​യാ​ണ്.

വ​ർ​ക്കിം​ഗ് ക​മ്മി​റ്റി അം​ഗ​ങ്ങ​ളാ​യ ഗു​ലാം ന​ബി, ആ​ന​ന്ദ് ശ​ർ​മ, മു​കു​ൾ വാ​സ്നി​ക്, ജി​തി​ൻ പ്ര​സാ​ദ എ​ന്നി​വ​രും ക​പി​ൽ സി​ബ​ൽ, ശ​ശി ത​രൂ​ർ, മ​നീ​ഷ് തി​വാ​രി തു​ട​ങ്ങി​യ​വ​രു​മാ​ണ് ഇ​ന്ന​ലെ രാ​ത്രി പ്ര​ത്യേ​കം കൂ​ടി​ക്ക​ണ്ട് ഭാ​വി​പ​രി​പാ​ടി​ക​ൾ ആ​ലോ​ചി​ച്ച​ത്.

പ്ര​വ​ർ​ത്ത​ക സ​മി​തി യോ​ഗ​ത്തി​ലെ തു​റ​ന്ന ച​ർ​ച്ച​ക​ൾ​ക്കു ശേ​ഷം സോ​ണി​യാ ഗാ​ന്ധി ന​ട​ത്തി​യ മ​റു​പ​ടി പ്ര​സം​ഗം തൃ​പ്തി​ക​ര​വും ആ​ശാ​വ​ഹ​വു​മാ​ണെ​ന്നു നേ​താ​ക്ക​ൾ വി​ല​യി​രു​ത്തി. ത​ങ്ങ​ളെ വി​മ​ത​രാ​യി ചി​ത്രീ​ക​രി​ക്കാ​നു​ള്ള ഒ​രു വി​ഭാ​ഗം കോ​ണ്‍​ഗ്ര​സ് നേ​താ​ക്ക​ളു​ടെ ശ്ര​മ​ത്തി​ൽ ഇ​വ​ർ അ​സം​തൃ​പ്ത​രു​മാ​ണ്.

ക​ത്തെ​ഴു​തി​യ​തി​ന്‍റെ പേ​രി​ൽ ന​ട​പ​ടി വേ​ണ​മെ​ന്നു വ​ർ​ക്കിം​ഗ് ക​മ്മി​റ്റി​യി​ൽ അം​ബി​കാ സോ​ണി ആ​വ​ശ്യ​മു​ന്ന​യി​ച്ച​തി​ലും നേ​താ​ക്ക​ൾ​ക്കു പ്ര​യാ​സ​മു​ണ്ട്.

ക​ത്തി​ന്‍റെ തു​ട​ക്കം തരൂ​രി​ന്‍റെ വീ​ട്ടി​ൽ
ന്യൂ​ഡ​ൽ​ഹി: കോ​ണ്‍​ഗ്ര​സി​ൽ നേ​തൃ​മാ​റ്റം ആ​വ​ശ്യ​പ്പെ​ട്ട് 23 നേ​താ​ക്ക​ൾ ഒ​പ്പി​ട്ട വി​വാ​ദ ക​ത്തി​ന്‍റെ തു​ട​ക്കം ശ​ശി ത​രൂ​രി​ന്‍റെ വ​സ​തി​യി​ൽ. ചു​രു​ങ്ങി​യ​ത് അ​ഞ്ചു മാ​സം മു​ന്പ് ത​രൂ​രി​ന്‍റെ വീ​ട്ടി​ൽ ന​ട​ത്തി​യ വി​രു​ന്നി​നി​ട​യി​ലാ​ണ് ക​ത്തി​ലേ​ക്കു വ​ഴി​തെ​ളി​ച്ച കാ​ര്യ​ങ്ങ​ളു​ടെ പ്രാ​ഥ​മി​ക​വും അ​നൗ​പ​ചാ​രി​ക​വു​മാ​യ ച​ർ​ച്ച ന​ട​ന്ന​തെ​ന്നു നേ​താ​ക്ക​ൾ പ​റ​ഞ്ഞു.

സോ​ണി​യാ ഗാ​ന്ധി​യെ അ​ഭി​സം​ബോ​ധ​ന ചെ​യ്ത് ഓ​ഗ​സ്റ്റ് ഏ​ഴി​ന് അ​യ​ച്ച ക​ത്തി​നെ​ച്ചൊ​ല്ലി ഇ​ന്ന​ലെ പ്ര​വ​ർ​ത്ത​ക സ​മി​തി​യി​ലും പാ​ർ​ട്ടി​യി​ലാ​കെ​യും വ​ലി​യ വാ​ഗ്വാ​ദ​വും വി​വാ​ദ​വും ഉ​യ​രു​ന്ന​തി​നി​ടെ​യാ​ണ് ത​രൂ​രി​ന്‍റെ നി​ർ​ണാ​യ റോ​ൾ പു​റ​ത്തു​വ​രു​ന്ന​ത്.

ക​ത്തി​ന്‍റെ ക​ര​ട് ത​യാ​റാ​ക്കി​യ​ത് ആ​ന​ന്ദ് ശ​ർ​മ​യാ​ണെ​ങ്കി​ലും ഗു​ലാം ന​ബി, ക​പി​ൽ സി​ബ​ൽ, മ​നീ​ഷ് തി​വാ​രി, ത​രൂ​ർ തു​ട​ങ്ങി​യ​വ​രാ​ണ് ഉ​ള്ള​ട​ക്കം മു​ഖ്യ​മാ​യി തീ​രു​മാ​നി​ച്ച​ത്്.

എ​ന്നാ​ൽ ത​രൂ​രി​ന്‍റെ വ​സ​തി​യി​ലെ വി​രു​ന്നി​ൽ പ​ങ്കെ​ടു​ത്ത പ​ല പ്ര​മു​ഖ നേ​താ​ക്ക​ളെ​യും ക​ത്തു ത​യാ​റാ​ക്കു​ന്പോ​ഴും പി​ന്നീ​ട് ഒ​പ്പി​ടു​ന്ന​തി​ൽ നി​ന്നും ഒ​ഴി​വാ​ക്കി​യ​തും കൃ​ത്യ​മാ​യ ആ​സൂ​ത്ര​ണ​ത്തി​ന്‍റെ തെ​ളി​വാ​യി.

പി. ​ചി​ദം​ബ​രം, മ​ക​ൻ കാ​ർ​ത്തി ചി​ദം​ബ​രം, സ​ച്ചി​ൻ പൈ​ല​റ്റ്, അ​ഭി​ഷേ​ക് മ​നു സിം​ങ്വി, മ​ണി ശ​ങ്ക​ർ അ​യ്യ​ർ തു​ട​ങ്ങി​യ​വ​രെ​യാ​ണ് ഇ​ങ്ങി​നെ ഒ​ഴി​വാ​ക്കി​യ​ത്.

അ​തേ​സ​മ​യം, കേ​ര​ള​ത്തി​ലു​ള്ള പ്ര​ഫ. പി.​ജെ. കു​ര്യ​നെ കൂ​ടി ക​ത്തി​ൽ ഒ​പ്പു വ​യ്പി​ച്ച​തും ശ്ര​ദ്ധേ​യ​മാ​യി. കു​ര്യ​നും ത​രൂ​രും ഒ​ഴി​കെ എം​പി​മാ​ർ അ​ട​ക്ക​മു​ള്ള കേ​ര​ള നേ​താ​ക്ക​ളെ​യെ​ല്ലാം ഒ​ഴി​വാ​ക്കി.

എ.​കെ. ആ​ന്‍റ​ണി, ഉ​മ്മ​ൻ ചാ​ണ്ടി, കെ.​സി. വേ​ണു​ഗോ​പാ​ൽ എ​ന്നീ പ്ര​വ​ർ​ത്ത​ക സ​മി​തി അം​ഗ​ങ്ങ​ളോ​ടും ക​ത്തി​നെ​ക്കു​റി​ച്ചു കൂ​ടി​യാ​ലോ​ച്ചി​രു​ന്നി​ല്ല. പി.​സി. ചാ​ക്കോ അ​ട​ക്ക​മു​ള്ള​വ​രെ​യും വി​വാ​ദ ക​ത്തി​ലേ​ക്കു ക്ഷ​ണി​ച്ചി​ല്ല.