മ്യൂണിക്ക്: ജർമൻ ബുണ്ടസ് ലിഗ ഫുട്ബോളിൽ ഗ്ലാമർ ക്ലബ്ബായ ബയേണ്‍ മ്യൂണിക്ക് 4-0ന് എഫ്സി കൊളോണിനെ കീഴടക്കി. മത്സരത്തിൽ രണ്ട് ഗോൾ നേടിയ ലെവൻഡോവ്സ്കിയും (മൂന്ന്, 48 മിനിറ്റുകൾ) ഒരു ഗോൾ നേടിയ ഫിലിപ്പെ കുട്ടീഞ്ഞോയും (62-പെനൽറ്റി) റിക്കാർഡ് ബുക്കിൽ ഇടംനേടി. ബയേണിനായി കുടീഞ്ഞോയുടെ ആദ്യ ഗോളായിരുന്നു.
ആദ്യ അഞ്ച് മത്സരങ്ങളിൽ ഏറ്റവും അധികം ഗോളെന്ന 51 വർഷം പഴക്കമുള്ള റിക്കാർഡിനൊപ്പമാണ് ലെവൻഡോവ്സ്കി (ഒന്പത്) എത്തിയത്. 1967-68 സീസണിൽ ബൊറൂസിയ മോയെൻചൻഗ്ലാറ്റ്ബാക്സിന്റെ പീറ്റർ മേയറിന്‍റെ പേരിലായിരുന്നു റിക്കാർഡ്.
ഇംഗ്ലീഷ് പ്രീമിയർ ലീഗ്, ലാ ലിഗ, സീരി എ, ബുണ്ടസ് ലിഗ എന്നീ നാല് ലീഗുകളിലും ഗോൾ നേടുന്ന അഞ്ചാമത്തെ മാത്രം താരമാണ് കുട്ടീഞ്ഞോ. മറ്റൊരു മത്സരത്തിൽ ആർബി ലീപ്സിംഗ് 3-0ന് വെർഡർ ബെർമനെ കീഴടക്കി.
