പേരൂർക്കട: ലിഫ്റ്റിനുള്ളിൽ കുടുങ്ങിയ ജീവനക്കാരെ ഫയർഫോഴ്സ് എത്തി രക്ഷപ്പെടുത്തി. കൈമനത്തെ പോളിടെക്നിക് പരീക്ഷാ കണ്ട്രോൾ റൂമിലെ ലിഫ്റ്റിലാണ് ഇവിടത്തെ ജീവനക്കാർ കുടുങ്ങിയത്. ഒരു പുരുഷനും ഒരു സ്ത്രീയുമാണ് ലിഫ്റ്റിൽ അകപ്പെട്ടത്.
പരീക്ഷാജോലി കഴിഞ്ഞ് മടങ്ങവെ ഇവർകയറിയ ലിഫ്റ്റ് പകുതിവഴിയിൽ നിൽക്കുകയായിരുന്നു. ചെങ്കൽച്ചുള്ളയിൽ നിന്ന് സ്റ്റേഷൻ ഓഫീസർ സി. അശോക്കുമാറിന്റെ നേതൃത്വത്തിലുള്ള സംഘം ഒരു മണിക്കൂറോളം പരിശ്രമിച്ചാണ് ലിഫ്റ്റിൽ കുടുങ്ങിയവരെ പുറത്തെത്തിച്ചത്.
