ശരീരഭാരം നിയന്ത്രിക്കുവാൻ മൂന്ന് ആഴ്ച തുടർച്ചയായി ജ്യൂസും വെള്ളവും മാത്രം കഴിച്ച സ്ത്രീയെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. ഇസ്രയേൽ സ്വദേശിയായ നാല്പതുകാരിയാണ് മുറിവൈദ്യന്‍റെ വാക്കുകേട്ട് ഭാരം കുറയ്ക്കാൻ കടുംകൈ ചെയ്തത്.
ശരീരഭാരം നാല്പതു കിലോയിൽ താഴെയായെങ്കിലും ഇവരുടെ ആരോഗ്യവും ആകാരവും നഷ്ടമാകുകയാണുണ്ടായത്. ടെൽ അവീവിലുള്ള ഷേബാ മെഡിക്കൽ സെന്‍ററിൽ ഇവരെ പ്രവേശിപ്പിച്ചിരിക്കുകയാണ്.
എന്നാൽ രക്തത്തിലെ സോഡിയത്തിന്‍റെ അളവ് കുറഞ്ഞതിനെ തുടർന്നുണ്ടാകുന്ന ഹൈപ്പോനേട്രീമിയ എന്ന രോഗാവസ്ഥയിലാണ് ഇവർ. സോഡിയത്തിന്‍റെ അളവ് വല്ലാതെ കുറയുമ്പോൾ തലച്ചോറിന്‍റെ കോശങ്ങളിലേക്ക് ജലം എത്തുകയും അവ വീർക്കുകയും ചെയ്യും. തലച്ചോറിലെ കോശങ്ങളുടെ തകരാറ് സ്ഥിരമായി ഉണ്ടാകാനുള്ള ആശങ്കയും ഡോക്ടർമാർ പങ്കുവയ്ക്കുന്നു.
