നിറഞ്ഞ സദസിൽ കാണികൾ ഇരിക്കുമ്പോൾ സർക്കസ് കൂടിനുള്ളിൽ സിംഹം പരിശീലകനെ ആക്രമിക്കുന്നതിന്‍റെ ചോരമരവിക്കുന്ന ദൃശ്യങ്ങൾ ഭീതി പടർത്തുന്നു. ഉക്രെയിനിലെ ലുഹാൻസ്കിലുള്ള സർക്കസ് പരിപാടിക്കിടെയാണ് സംഭവം നടന്നത്.
പരിപാടി നടക്കുന്നതിനിടെ അക്രമാസക്തമാമായ സിംഹം പരിശീലകനെ ആക്രമിച്ച് നിലത്തിട്ടു. കൈകൾ ഉപയോഗിച്ച് സിംഹത്തിന്‍റെ നെഞ്ചിൽ തള്ളി പിടിച്ചതിനാൽ ഇദ്ദേഹത്തിന് പരിക്കുകളൊന്നും സംഭവിച്ചില്ല. ഉടൻ തന്നെ ഇവിടെ എത്തിച്ചേർന്ന് മറ്റ് പരിശീലകരാണ് ഇദ്ദേഹത്തെ സിംഹത്തിന്‍റെ പിടിയിൽ നിന്നും രക്ഷപെടുത്തിയത്. സംഭവം കണ്ട് കാണികൾ പേടിച്ച് കരയുന്നതും വീഡിയോയിൽ വ്യക്തമാണ്.
