കാട്ടില്‍ വലുപ്പത്തിലും ആകാരഭംഗിയിലും മികച്ചു നില്‍ക്കുന്ന ധാരാളം മൃഗങ്ങളുണ്ടെങ്കിലും ഒരേയൊരു രാജാവ് മാത്രമേയുള്ളൂ. അതാണ് സിംഹത്തിന്റെ പ്രാധാന്യം.
നിരനിരയായി നീങ്ങുന്ന സിംഹക്കുട്ടികളുടെ വീഡിയോയാണ് ഇപ്പോള്‍ വൈറലാകുന്നത്. ഫോറസ്റ്റ് സര്‍വീസ് ഉദ്യോഗസ്ഥന്‍ സുശാന്ത നന്ദയാണ് ഈ വീഡിയോ ട്വിറ്ററില്‍ പങ്കുവച്ചത്.
വ്യാഴാഴ്ചയാണ് സുശാന്ത നന്ദ വലിയ സിംഹങ്ങളോടൊപ്പം നടന്നുനീങ്ങുന്ന സിംഹക്കുട്ടികളുടെ വീഡിയോ ഷെയര്‍ ചെയ്തത്.
ഒരു മിനിറ്റ് ദൈര്‍ഘ്യമുള്ള വീഡിയോയില്‍ പുല്‍മേട്ടിലൂടെ നടന്നുനീങ്ങുന്ന സിംഹങ്ങളുടെ വലിയൊരു നിര കാണാം. കൂട്ടത്തില്‍ കുസൃതിയോടെ ഓടിയും ചാടിയും നീങ്ങുന്ന സിംഹക്കുട്ടികള്‍ കൗതുകക്കാഴ്ച തന്നെയാണ്.
പുല്‍മേടിന് നടുക്കുള്ള റോഡിലുടെ വരുന്ന കാര്‍ സിംഹങ്ങളുടെ റോഡ് മുറിച്ചുകടക്കലിന് തടസമാവാതിരിക്കാന്‍ നിര്‍ത്തിക്കൊടുക്കുന്നതും വീഡിയോയിലുണ്ട്.
വാഹനം കാണുന്നതോടെ തെല്ലൊന്നമ്പരന്ന് നില്‍ക്കുന്നതും എന്നാല്‍ പിന്നീട് അതൊന്നും ശ്രദ്ധിക്കാതെ സിംഹക്കുട്ടികള്‍ തുള്ളിച്ചാടി പോകുന്നതും വീഡിയോയില്‍ കാണാം.
പോസ്റ്റ് ചെയ്ത് മണിക്കൂറുകള്‍ക്കുള്ളില്‍ 16,000 ലധികം പേര്‍ വീഡിയോ കണ്ടുകഴിഞ്ഞു. രണ്ടായിരത്തോളം പേര്‍ പ്രതികരിച്ചു. നിരവധിപേര്‍ കമന്റുകളുമായെത്തി.
