കാട്ടിലെ രാജാവാണ് സിംഹം. പലരും സിംഹത്തിന്‍റെ വീഡിയോ കാമറയിൽ ഒപ്പിയെടുത്തിട്ടുണ്ട്. എന്നാൽ സിംഹത്തിന്‍റെ തൊട്ടടുത്ത് നിന്ന് വീഡിയോ പകർത്താൻ നിങ്ങൾക്ക് ധൈര്യമുണ്ടോ എന്നു ചോദിച്ചാൽ അല്ലെന്നാകും പലരും പറയുന്നത്.
എന്നാൽ സിംഹത്തോടൊപ്പമുളള വീഡിയോ പങ്കുവച്ചിരിക്കുകയാണ് മിയാൻ സാഖിബ് എന്ന യുവാവ്. ഒരു പേടിയും കൂടാതെയാണ് ഇയാൾ സിംഹത്തിനൊപ്പം നടക്കുന്നത്. ഒരു വീടിന്‍റെ കോംന്പൗണ്ടിൽ കൂടിയാണ് അവർ നടകത്കുന്നതെന്ന് വീഡിയോയിൽ നിന്ന് മനസിലാക്കാം. സിംഹമാകട്ടെ വളരെ മര്യാദയോടെണ് ഇയാൾക്കൊപ്പം നടന്നു നീങ്ങുന്നത്.
ഇരുവരുടേയും വീഡിയോ പെട്ടെന്ന് തന്നെ വൈറലായി. എന്നാൽ സാഖിബിനെതിരേ നിരവധി വിമർശനങ്ങളാണ് സോഷ്യൽ മീഡിയയിൽ ഉയരുന്നത്. ആരോഗ്യപരമായി സിംഹം അത്ര മെച്ചപ്പെട്ട നിലയിലല്ലെന്ന് ഒറ്റക്കാഴ്ചയിൽ തന്നെ നമുക്ക് മനസിലാക്കാം. അതിനാൽ തന്നെ യുവാവിനെ വിമർശിച്ച് പലരും കമന്‍റുകൾ ചെയ്തു.
കാടാണ് അവന്‍റെ നാട്. അവിടേക്ക് കൊണ്ടാക്കൂ എന്നാണ് പലരും പറഞ്ഞത്. എന്തെങ്കിലും കഴിക്കാൻ കൊടുക്കു അവന്. അല്ലെങ്കിൽ അതിനെന്തെങ്കിലും സംഭവിക്കുമെന്ന് മറ്റൊരു കൂട്ടർ അഭിപ്രായപ്പെട്ടു. എന്നാൽ സാഖിബ് ഇതിനു മുൻപും മൃഗങ്ങളോടൊത്തുള്ള വീഡിയോ പങ്കുവച്ചിട്ടുണ്ട്. അതിനും ഇദ്ദേഹത്തെ വിമർശിച്ച് ആളുകൾ കമന്‍റുമായി എത്തിയിട്ടുണ്ട്.
