കര്‍ണാടക: നിയമസഭാ കൗണ്‍സില്‍ തെരഞ്ഞെടുപ്പിന്‍റെ വോട്ടെടുപ്പും ജൂണ്‍ നാലിന് ലോക്സഭാ തെരഞ്ഞെടുപ്പിന്‍റെ ഫലപ്രഖ്യാപനവും നടക്കുന്നതിനാൽ ഈ ആഴ്ച അഞ്ച് ദിവസം മദ്യവില്‍പ്പന നിരോധിച്ചു. നിയമസഭാ കൗണ്‍സില്‍ തെരഞ്ഞെടുപ്പിന്‍റെ വോട്ടെണ്ണല്‍ നടക്കുന്ന ജൂണ്‍ ആറിനും ഡ്രൈ ഡേ ആയിരിക്കുമെന്ന് കര്‍ണാടക സര്‍ക്കാര്‍ അറിയിച്ചു.
1951ലെ ജനപ്രാതിനിധ്യ നിയമം അനുസരിച്ചാണ് മദ്യവില്‍പനയും ഉപഭോഗവും നിരോധിച്ചത്. മദ്യശാലകള്‍, വൈന്‍ ഷോപ്പുകള്‍, ബാറുകള്‍, മദ്യം നല്‍കാന്‍ അനുമതിയുള്ള ഹോട്ടലുകള്‍, റെസ്റ്റോറന്‍റുകള്‍ എന്നിവയ്ക്കാണ് ഉത്തരവ് ബാധകം.
മദ്യത്തിന്‍റെ ഉത്പാദനം, വില്‍പന, വിതരണം, സംഭരണം എന്നിവയ്ക്ക് നിരോധനം ബാധകമാണെന്ന് എക്‌സൈസ് വകുപ്പ് ഉദ്യോഗസ്ഥര് അറിയിച്ചു.
അതേസമയം കേരളത്തിലും വോട്ടെണ്ണൽ ദിവസം ഡ്രൈ ഡേ ആയിരിക്കുമെന്ന് വെബ്കോ അധികൃതര്‍ അറിയിച്ചു.
