ആധാർ കാർഡ് ഫോട്ടോകൾ പലർക്കും മറച്ചുവെക്കാൻ ആഗ്രഹിക്കുന്ന ഏറ്റവും മോശമായി ക്ലിക്ക് ചെയ്ത ഫോട്ടോകളിൽ ഒന്നാണ്. പക്ഷേ ഈ പെൺകുട്ടിയുടെ ആധാറിലെ ചിത്രം അവളുടെ ഏറ്റവും മനോഹരമായ ചിത്രങ്ങളിലൊന്നായിരിക്കും.
അവൾ കാമറയെ നോക്കി പുഞ്ചിരിക്കുക മാത്രമല്ല തന്‍റെ ചിത്രമെടുക്കുന്ന ഉദ്യോഗസ്ഥന്‍റെ മുന്നിൽ ചില മനോഹരമായ പോസുകൾ കാണിക്കുകയും ചെയ്തു. ഈ ദൃശ്യങ്ങൾ കാണിക്കുന്ന വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.
ഗുൻഗുൻ എന്ന പെൺകുട്ടി ആധാർ കേന്ദ്രത്തിൽ തന്‍റെ ചിത്രം എടുക്കാൻ എത്തിയതായിരുന്നു. ഔദ്യോഗിക രേഖകൾക്കായി അവളുടെ ഫോട്ടോ എടുക്കുകയായിരുന്ന ആധാർ എൻറോൾമെൻ്റ് സെൻ്റർ ഓപ്പറേറ്റർ അവളുടെ നേരെ കാമറ വച്ചു. പക്ഷേ കാമറ കണ്ടപ്പോൾ അവൾ മനോഹരമായ പോസ് ചെയ്യാൻ തുടങ്ങി.
കുട്ടിയുടെ മാതാപിതാക്കളാണ് വീഡിയോ പകർത്തിയത്. ചുരുങ്ങിയ സമയത്തിനുള്ളിൽ വീഡിയോ വൈറലാകുകയും ഏകദേശം 18.1 ദശലക്ഷം വ്യൂസ് നേടുകയും ചെയ്തു. നിരവധി ഉപയോക്താക്കൾ വീഡിയോയിൽ അഭിപ്രായമിടുകയും പെൺകുട്ടി എത്രമാത്രം സുന്ദരിയാണെന്ന് കമന്‍റ് ചെയ്യുകയും ചെയ്തു.
