ലണ്ടൻ: ഇംഗ്ലീഷ് പ്രീമിയർ ലീഗ് ഫുട്ബോളിൽ കിരീട പോരാട്ട രംഗത്തുള്ള ലിവർപൂളിന് അപ്രതീക്ഷിത തോൽവി.എവേ പോരാട്ടത്തിൽ എവർട്ടണ്‍ 2-0ന് ലിവർപൂളിനെ കീഴടക്കി. 2010നുശേഷം എവർട്ടണ്‍ സ്വന്തം തട്ടകത്തിൽ ലിവർപൂളിനെ കീഴടക്കുന്നത് ഇതാദ്യമാണ്. അന്നും 2-0നായിരുന്നു എവർട്ടണിന്‍റെ ജയം.
മാഞ്ചസ്റ്റർ യുണൈറ്റഡ് 4-2ന് ഷെഫീൽഡ് യുണൈറ്റഡിനെ കീഴടക്കി. ക്രിസ്റ്റൽ പാലസ് ഹോം മത്സരത്തിൽ 2-0ന് ന്യൂകാസിൽ യുണൈറ്റഡിനെ തോൽപ്പിച്ചു. 34 മത്സരങ്ങളിൽനിന്ന് 74 പോയിന്റുമായി ലിവർപൂൾ രണ്ടാം സ്ഥാനത്താണ്.
32 മത്സരങ്ങളിൽ 73 പോയിന്റുള്ള മാഞ്ചസ്റ്റർ സിറ്റി മൂന്നാമതും 34 മത്സരങ്ങളിൽ 77 പോയിന്റുള്ള ആഴ്സണൽ ഒന്നാമതുമാണ്.
