കോൽക്കത്ത: മദ്യലഹരിയിൽ സിംഹത്തെ പാർപ്പിച്ചിരുന്ന മതിൽക്കെട്ടുക്കൾ ചാടിക്കടന്നെത്തിയ നാൽപതുകാരന് സിംഹത്തിന്‍റെ ആക്രമണത്തിൽ ഗുരുതര പരിക്ക്.
കോൽക്കത്തയിലെ അലിപോർ മൃഗശാലയിലാണ് സംഭവം. ഗൗതം ഗുചൈറ്റ് എന്നയാളാണ് സിംഹത്തിന്‍റെ കൂടിന് സമീപത്തേക്ക് എത്തിയത്.
മദ്യലഹരിയിൽ മൃഗശാലയിലെത്തിയ ഇയാൾ മതിലിന് മുകളിലൂടെ ചാടിക്കടന്ന് സിംഹത്തിന്‍റെ കൂടിന് സമീപം എത്തുകയായിരുന്നു.
ജീവനക്കാര്‍ ഇയാളെ കൂട്ടില്‍ നിന്ന് പുറത്താക്കാന്‍ ശ്രമിക്കുന്നതിന് മുമ്പ് സിംഹം ആക്രമിക്കുകയായിരുന്നു. തോളിനും കഴുത്തിനും പരിക്കേറ്റ ഇയാളെ ആശുപത്രിയിലേക്ക് മാറ്റി.
