ഭൂ​ലോ​ക ത​ട്ടി​പ്പാ​യ ലോ​ക​കേ​ര​ള​സ​ഭ പി​രി​വു​യ​ന്ത്രം:​പ്ര​സം​ഗ​മ​ത്സ​ര​വും മൃ​ഷ്ടാ​ന്ന ഭോ​ജ​ന​വു​മാ​ണ് സ​ഭ​യു​ടെ സ്ഥി​രം കാ​ര്യ​പ​രി​പാ​ടി​യെ​ന്ന് ചെ​റി​യാ​ൻ ഫി​ലി​പ്പ്

തി​രു​വ​ന​ന്ത​പു​രം: ഭൂ​ലോ​ക ത​ട്ടി​പ്പാ​യി മാ​റി​യ ലോ​കകേ​ര​ളസ​ഭ സി​പി​എ​മ്മി​ന്‍റെ പി​രി​വു യ​ന്ത്ര​മാ​ണെ​ന്ന് കോ​ൺ​ഗ്ര​സ് മാ​ധ്യ​മ​സ​മി​തി അ​ധ്യ​ക്ഷ​ൻ ചെ​റി​യാ​ൻ ഫി​ലി​പ്പ്.ലോ​ക്‌​സ​ഭാ, നി​യ​മ​സ​ഭാ തെ​ര​ഞ്ഞെ​ടു​പ്പു​ക​ളി​ൽ ലോ​കകേ​ര​ള സ​ഭാം​ഗ​ങ്ങ​ളെ ഉ​പ​യോ​ഗി​ച്ചാ​ണ് സി​പി​എം വി​ദേ​ശ രാ​ജ്യ​ങ്ങ​ളി​ൽനി​ന്നു വ​ൻതോ​തി​ൽ പ​ണം സ​മാ​ഹ​രി​ച്ച​ത്.

സി​പി​എം ആ​ഭി​മു​ഖ്യ​മു​ള്ള വി​ദേ​ശ​ത്തെ ക​ട​ലാ​സു സം​ഘ​ട​ക​ളു​ടെ പ്ര​തി​നി​ധി​ക​ളോ സി​പി​എം ഫ്രാ​ക്ഷ​ൻ നോ​മി​നി​ക​ളോ ആ​ണ് സ​ഭാം​ഗ​ങ്ങ​ളി​ൽ അ​ധി​ക​വും. മു​ഖ്യ​മ​ന്ത്രി​യു​ടെ ഓ​ഫീ​സി​ലെ ഉ​ന്ന​ത​ർ​ക്ക് ദ​ക്ഷി​ണ ന​ൽ​കി​യാ​ണ് ചി​ല പ്രാ​ഞ്ചി​യേ​ട്ട​ൻ​മാ​ർ സ​ഭാം​ഗ​ത്വം നേ​ടി​യി​ട്ടു​ള്ള​തെ​ന്നും ചെ​റി​യാ​ൻ ഫി​ലി​പ്പ് ആ​രോ​പി​ച്ചു.

ലോ​കകേ​ര​ളസ​ഭ ഒ​രു മ​ച്ചി പ്പശു​വാ​ണ്. ന​ട​ന്ന മൂ​ന്നു സ​ഭ​ക​ളു​ടെ​യും തീ​രു​മാ​ന​ങ്ങ​ളോ നി​ർ​ദ്ദേ​ശ​ങ്ങ​ളോ ന​ട​പ്പാ​ക്കി​യി​ട്ടി​ല്ല. പ്രോ​ഗ്ര​സ് റി​പ്പോ​ർ​ട്ട് ഇ​തു​വ​രെ പ്ര​സി​ദ്ധീ​ക​രി​ച്ചി​ട്ടി​ല്ല. കേ​ര​ള വി​ക​സ​ന​ത്തി​നോ, വി​ദേ​ശ നി​ക്ഷേ​പ സ​മാ​ഹ​ര​ണ​ത്തി​നോ, പ്ര​വാ​സ പ്ര​ശ്ന പ​രി​ഹാ​ര​ത്തി​നോ ലോ​ക കേ​ര​ള സ​ഭ ഒ​രു സം​ഭാ​വ​ന​യും ചെ​യ്തി​ട്ടി​ല്ല.

ഖ​ജ​നാ​വി​ലെ കോ​ടി​ക​ൾ ധൂ​ർ​ത്ത​ടി​ച്ചു​ള്ള പ്ര​സം​ഗ മ​ത്സ​ര​വും മൃ​ഷ്ടാ​ന്ന ഭോ​ജ​ന​വും ക​ലാ​പ്ര​ക​ട​ന​വു​മാ​ണ് ലോ​ക കേ​ര​ള സ​ഭ​യു​ടെ സ്ഥി​രം കാ​ര്യ​പ​രി​പാ​ടി​യെ​ന്നും ചെ​റി​യാ​ൻ ഫി​ലി​പ്പ് പ​റ​ഞ്ഞു.