കൊ​ര​ട്ടി ദേശീ​യ​പാ​തയിൽ ബെ​ൽ​റ്റ് പൊ​ട്ടി ലോ​ഹ നി​ർ​മി​ത ഷീ​റ്റു​ക​ൾ റോ​ഡി​ൽ വീ​ണു; ഒ​ഴി​വാ​യ​ത് വ​ൻ അ​പ​ക​ടം

കൊ​ര​ട്ടി: കൊ​ര​ട്ടി ദേ​ശീ​യ​പാ​ത സി​ഗ്ന​ൽ ജം​ഗ്ഷ​നി​ൽ പാ​ക്കിം​ഗ് ആ​വ​ശ്യ​ങ്ങ​ൾ​ക്കാ​യി കൊ​ണ്ടു​പോ​യ ലോ​ഹ നി​ർ​മി​ത ഷീ​റ്റു​ക​ൾ നാ​ഷ​ണ​ൽ പെ​ർ​മി​റ്റ് ലോ​റി​യി​ൽനി​ന്നു ബെ​ൽ​റ്റ് പൊ​ട്ടി റോ​ഡി​ലേ​ക്ക് വീ​ണു.

തൊ​ട്ടു​പി​ന്നി​ലും വ​ശ​ങ്ങ​ളി​ലു​മാ​യി മ​റ്റു വാ​ഹ​ന​ങ്ങ​ൾ ഇ​ല്ലാ​തി​രു​ന്ന​തി​നാ​ൽ വ​ൻ അ​പ​ക​ടം ഒ​ഴി​വാ​യി.ഇ​ന്ന് രാ​വി​ലെ ആറോടെയായിരുന്നു സം​ഭ​വം.

ചെ​ന്നെെ​യി​ൽനി​ന്ന് അ​ങ്ക​മാ​ലി​യി​ലേ​ക്ക് പോ​കു​ന്ന ലോറി സി​ഗ്ന​ലി​നെ മ​റി​ക​ട​ക്കു​ന്ന​തി​നി​ടെ സി​ഗ്ന​ൽ വീ​ഴു​ക​യും ഡ്രൈ​വ​ർ പൊ​ടു​ന്ന​നെ ബ്രേ​ക്കി​ട്ട​തി​നെ തു​ട​ർ​ന്ന് വാ​ഹ​നം ഉ​ലഞ്ഞ് ച​ര​ക്ക് കെ​ട്ടി​യി​രു​ന്ന ബെ​ൽ​റ്റ് പൊ​ട്ടി സാ​ധ​ന​ങ്ങ​ൾ റോ​ഡി​ലേ​ക്ക് വീ​ഴു​ക​യു​മാ​യി​രു​ന്നു.

100 കി​ലോ​ഗ്രാ​മി​ലേ​റെ ഭാ​ര​മു​ള്ള​താ​യി​രു​ന്നു ലോ​ഹ നി​ർ​മി​ത​മാ​യ ഓ​രോ ഷീ​റ്റു​ക​ളും. കൊ​ര​ട്ടി പോ​ലീ​സും ഹൈ​വേ പോ​ലീ​സും സ്ഥ​ല​ത്തെ​ത്തി ക്രെ​യി​നിന്‍റെ സഹായത്തോടെ റോഡിൽ വീണ ഇരുന്പ് ഷീറ്റുകൾ റോഡിൽ നിന്ന് നീക്കി

. ഷീറ്റുകൾ വീണതിനെ തുടർന്ന വാഹനങ്ങൾ സ​ർ​വീ​സ് റോ​ഡി​ലൂ​ടെയാണ് ഗതാഗതം ക്രമീകരിച്ചത്. എന്നിട്ടും ഗ​താ​ഗ​തം സാ​ധാ​ര​ണ നി​ല​യി​ലാ​കാ​ൻ ഒ​രു മ​ണി​ക്കൂ​റി​ലേ​റെ സ​മ​യ​മെ​ടു​ത്തു.

അ​മി​ത​ഭാ​രം ക​യ​റ്റി വ​രു​ന്ന ലോ​റി​ക​ളി​ൽ ബെ​ൽ​റ്റ് പൊ​ട്ടി അ​പ​ക​ട​ങ്ങ​ളു​ണ്ടാ​കു​ന്ന​ത് ക്ര​മേ​ണ ഏ​റി​വ​രി​ക​യാ​ണ്.