വളാഞ്ചേരി:വട്ടപ്പാറയില്‍ കമ്പി കയറ്റി വന്ന ലോറി താഴേക്ക് മറിഞ്ഞു രണ്ട് പേര്‍ മരിച്ചു. പാലക്കാട് മലമ്പുഴ സ്വദേശി അയ്യപ്പന്‍(40)കോയമ്പത്തൂര്‍ മധുക്കരൈ സ്വദേശി മുത്തു കുമാര്‍(34)എന്നിവരാണ് മരിച്ചത്.
ഇന്ന് പുലര്‍ച്ചെ നാലോടെയാണ് മംഗലാപുരത്ത് നിന്ന് കൊച്ചിയിലേക്ക് കമ്പി കയറ്റി വന്നിരുന്ന ലോറി നിയന്ത്രണം വിട്ട് താഴേക്ക് പതിച്ചത്.
ഏറെ നേരത്തെ രക്ഷാപ്രവര്‍ത്തനത്തിന് ശേഷമാണ് ലോറിക്കുള്ളില്‍ കുടുങ്ങിക്കിടന്ന ജീവനക്കാരെ പുറത്തെടുത്തത്.മൃതദേഹങ്ങള്‍ മഞ്ചേരി മെഡിക്കല്‍ കോളജിലേക്ക് മാറ്റി. ഒരാഴ്ച മുമ്പ് പഞ്ചസാര കയറ്റിവന്ന ലോറി ഇവിടെ മറിഞ്ഞുണ്ടായ അപകടത്തിൽ ഇതര സംസ്ഥാന തൊഴിലാളി മരിച്ചിരുന്നു.
