താരങ്ങൾ ഏറ്റവും അധികം ശ്രദ്ധിക്കുന്ന ഒന്നാണ് തങ്ങളുടെ ശരീര സൗന്ദര്യം. ശരീര സൗന്ദര്യ വർധനവിനായി താരങ്ങൾ എന്ത് ചെയ്യാൻ തയ്യാറാകുന്നു. ബോഡി ഫിറ്റ്നസിന്റെ ഭാഗമായി കഠിനമായി വർക്കൗട്ട് ചെയ്യുന്ന ചിത്രങ്ങളും വീഡിയോസും സമൂഹമാധ്യമങ്ങളിലും മറ്റും വൈറലാകാറുണ്ട്. അതേസമയം താരങ്ങൾ സൗന്ദര്യം നിലനിർത്തുന്നതിനായി ശരീര ഭാഗങ്ങൾ ഓപ്പറേഷൻ നടത്തി മാറ്റി വയ്ക്കുന്നുണ്ടെന്നുള്ള വാർത്തകൾ പ്രചരിക്കുന്നുണ്ട്.
ബോളിവുഡ് താരങ്ങളാണ് ഇത്തരത്തിലുള്ള ഓപ്പേറേഷൻസിനെ ആശ്രയിക്കുന്നത്രേ. ബോളിവുഡിലെ മുതിർന്ന പല നടിമാരും ഇത്തരത്തിൽ ശരീരഭാഗങ്ങൾ ശസ്ത്രക്രീയയിലൂടെ മാറ്റി വയ്ക്കാറുണ്ടത്രേ. എന്നാൽ ഭൂരിഭാഗം താരങ്ങളും ഇത് സമ്മതിച്ചു തരാറില്ല. ശരീര ഭാഗം ഓപ്പറേഷൻ ചെയ്യാത്തതിന്റെ പേരിൽ അവസരം നഷ്ടപ്പെട്ടതിനെ കുറിച്ച് തുറന്നു പറയുകയാണ് ബോളിവുഡ് താരം സൊനാലി സെയ്ഗൽ.
ശരീര ഭാഗം ഓപ്പറേഷൻ നടത്തി മാറ്റി വയ്ക്കാൻ തയ്യാറാകാത്തതിന്റെ പേരിൽ മികച്ച റോളുകൾ നഷ്ടപ്പെട്ടെന്ന് ബോളിവുഡ് താരം സൊനാലി സെയ്ഗൽ. ബോളിവുഡിലെ അറിയപ്പെടുന്ന കാസ്റ്റിങ് ഡയറക്ടറിൽ നിന്നുമാണ് തനിയ്ക്ക് ഇത്തരത്തിലുള്ള മോശമായ അനുഭവം നേരിടേണ്ടി വന്നതെന്നും താരം പറഞ്ഞു. ആ ചിത്രത്തിൽ അവസരം ലഭിച്ചപ്പോൾ സിനിമയ്ക്കായി ഒരുപാട് തയ്യാറെടുപ്പു നടത്തിയിരുന്നു. എന്നാൽ ഇതെല്ലാം വെറുതെയാവുകയായിരുന്നെന്നും താരം പറഞ്ഞു.
