ഭാ​ഗ്യ​ക്കു​റി വി​ല്പ​ന​ക്കാ​ർ​ക്കും ഭാ​ഗ്യ​പ​രീ​ക്ഷ​ണം; ഭാ​ഗ്യ​മു​ണ്ടെ​ങ്കി​ൽ ഷ​ർ​ട്ട്, ഇ​ല്ലെ​ങ്കി​ൽ കോ​ട്ട്; ലോ​ട്ട​റി തൊ​ഴി​ലാ​ളി​ക​ൾ​ക്കി​ട​യി​ൽ ആ​ശ​യ​ക്കു​ഴ​പ്പത്തിന്‍റെ കാരണം ഇങ്ങനെ…

ചേ​ർ​ത്ത​ല: സം​സ്ഥാ​ന​സ​ർ​ക്കാ​ർ ഭാ​ഗ്യ​ക്കു​റി വി​ല്പ​ന​ക്കാ​ർ​ക്കും ഭാ​ഗ്യ​പ​രീ​ക്ഷ​ണം. സ​ർ​ക്കാ​ർ വി​ത​ര​ണം ചെ​യ്യു​ന്ന യൂ​ണി​ഫോ​മി​ൽ ഷ​ർ​ട്ട് ല​ഭി​ക്കു​വാ​നാ​ണ് ലോ​ട്ട​റി വി​ൽ​പ്പ​ന​ക്കാ​രെ ഭാ​ഗ്യം ക​നി​യേ​ണ്ട​ത്. ചേ​ർ​ത്ത​ല ലോ​ട്ട​റി ഓ​ഫീ​സി​ൽ നി​ന്നും ക​ഴി​ഞ്ഞ​ദി​വ​സം യൂ​ണി​ഫോം വി​ത​ര​ണം ചെ​യ്ത​പ്പോ​ഴാ​ണ് ലോ​ട്ട​റി ടി​ക്ക​റ്റ് വി​ൽ​പ്പ​ന​ക്കാ​ർ​ക്കും ഭാ​ഗ്യം വേ​ണ​മെ​ന്ന് പ​റ​ച്ചി​ലു​ണ്ടാ​യ​ത്.

മെ​റൂ​ണ്‍ നി​റ​ത്തി​ൽ വി​ത​ര​ണം ചെ​യ്ത യൂ​ണി​ഫോ​മി​ൽ ചി​ല​ർ​ക്ക് അ​ര​കൈ​യു​ള്ള ഷ​ർ​ട്ട് ന​ല്കി​യ​പ്പോ​ൾ മ​റ്റു​ള്ള​വ​ർ​ക്ക് ല​ഭി​ച്ച​ത് കൈ​യി​ല്ലാ​ത്ത ഓ​വ​ർ​കോ​ട്ടാ​ണ്. അ​തു​പോ​ലെ ത​ന്നെ ഇ​തി​ൽ തു​ന്നി​ച്ചേ​ർ​ത്തി​ട്ടു​ള്ള ലോ​ട്ട​റി ക്ഷേ​മ​നി​ധി ബോ​ർ​ഡി​ന്‍റെ മു​ദ്ര​ക​ളി​ലും വ്യ​താ​സ​മു​ണ്ട്.

ഓ​വ​ർ​കോ​ട്ടി​ൽ ലോ​ട്ട​റി ക്ഷേ​മ​നി​ധി ബോ​ർ​ഡ് എ​ന്ന് വൃ​ത്താ​കൃ​തി​യി​ൽ ആ​ലേ​ഖ​നം ചെ​യ്ത് അ​തി​നു​ള്ളി​ൽ ഒ​രു പ​ക്ഷി​യു​ടെ രൂ​പ​വും ഉ​ള്ള​പ്പോ​ൾ ഷ​ർ​ട്ടി​ലാ​ക​ട്ടെ മ​ഞ്ഞ​നി​റ​ത്തി​ൽ ക്ഷേ​മ​നി​ധി ബോ​ർ​ഡ് എ​ന്നൊ​ന്നും കാ​ണി​ക്കാ​തെ സൂ​ര്യ​ന്‍റെ ആ​കൃ​തി​യി​ൽ ആ​ലേ​ഖ​നം ചെ​യ്തി​ട്ടു​ള്ള ഒ​രു മു​ദ്ര മാ​ത്ര​മാ​ണ് ഉ​ള്ള​ത്.

ര​ണ്ടു​കൂ​ട്ട​രും ലോ​ട്ട​റി വി​ൽ​ക്കാ​നാ​യി എ​ത്തി​യ​പ്പോ​ഴാ​ണ് പൊ​തു​ജ​ന​ങ്ങ​ളി​ൽ ആ​ശ​യ​കു​ഴ​പ്പം ഉ​ണ്ടാ​യ​ത്. ചി​ല​ർ ത​ങ്ങ​ളാ​ണ് യ​ഥാ​ർ​ഥ ലോ​ട്ട​റി വി​ൽ​പ്പ​ന​ക്കാ​രെ​ന്ന് അ​വ​കാ​ശ​പ്പെ​ട്ട​തോ​ടെ​യാ​ണ് ത​ർ​ക്കം ഉ​ണ്ടാ​യ​ത്. ഇ​തേ​ചൊ​ല്ലി ചേ​ർ​ത്ത​ല​യി​ലും പ​രി​സ​ര​പ്ര​ദേ​ശ​ങ്ങ​ളി​ലും ലോ​ട്ട​റി​വി​ൽ​പ്പ​ന​ക്കാ​ർ​ക്കി​ട​യി​ൽ ത​ർ​ക്കം നി​ല​നി​ൽ​ക്കു​ക​യാ​ണ്.

ക്ഷേ​മ​നി​ധി അം​ഗ​ങ്ങ​ള​ല്ലാ​ത്ത പ്രാ​യം ചെ​ന്ന ലോ​ട്ട​റി വി​ല്പ​ന​ക്കാ​ർ​ക്ക് ഇ​തു​വ​രെ​യും യൂ​ണി​ഫോം ല​ഭി​ച്ചി​ട്ടി​ല്ലാ​ത്ത​തി​നാ​ൽ യൂ​ണി​ഫോം ഇ​ല്ലാ​തെ ലോ​ട്ട​റി വി​ല്ക്കു​ന്ന​വ​രെ യൂ​ണി​ഫോം ധ​രി​ച്ച​വ​ർ ത​ട​യു​ന്ന സം​ഭ​വ​ങ്ങ​ളും ഉ​ണ്ട്.