കോയന്പത്തൂർ: പ്രണയദിനത്തിൽ ഭാര്യ ഭർത്താവിന് കരൾ പകുത്തുനൽകി. കരൾ രോഗത്തെ തുടർന്നു കഴിഞ്ഞ രണ്ടു വർഷമായി ചികിത്സയിലായിരുന്ന ജാജീർ ഹുസൈനാണ് ഭാര്യ നിഷ കരൾ നൽകിയത്. ഡോക്ടർമാരുടെ നിർദേശത്തെ തുടർന്നാണ് കരൾ മാറ്റിവച്ചത്. കോയന്പത്തൂരിലെ ജിഇഎം ആശുപത്രിയിലായിരുന്നു ശസ്ത്രക്രിയ.
ആറ് വർഷം മുൻപായിരുന്നു ഇവരുടെ വിവാഹം. പ്രണയ വിവാഹമായിരുന്നു. എല്ലാ വർഷവും വാലന്‍റൈൻസ് ദിനത്തിൽ ഭർത്താവിന് സമ്മാനം നൽകുമായിരുന്നുവെന്നു നിഷ പറഞ്ഞു. എന്നാൽ ഈ വർഷം അദ്ദേഹം ആശുപത്രിയിലായിരുന്നുവെന്നും ഇതോടെ അദ്ദേഹത്തിനു കരൾ നൽകാൻ താൻ തീരുമാനിച്ചതെന്നും നിഷ കൂട്ടിച്ചേർത്തു.
തനിക്കു കിട്ടിയ ഏറ്റവും വലിയ സമ്മാനമാണ് ഇതെന്ന് ഭർത്താവ് ഹുസൈനും പറഞ്ഞു.
