മാധവനും സിമ്രാനും വീണ്ടുമൊന്നിക്കുന്നു. നമ്പി നാരായണന്‍റെ ജീവിതം പറയുന്ന റോക്കറ്ററി; ദ് നമ്പി എഫക്ടിലാണ് പതിനഞ്ച് വർഷത്തെ ഇടവേളയ്ക്കു ശേഷം ഇരുവരും വീണ്ടുമൊന്നിക്കുന്നത്.
നമ്പി നാരായണന്‍റെ ഭാര്യയുടെ കഥാപാത്രത്തെയാണ് ചിത്രത്തിൽ സിമ്രാൻ അവതരിപ്പിക്കുന്നത്. നമ്പി നാരയണൻ രചിച്ച റെഡി ടു ഫയർ: ഹൗ ഇന്ത്യ ആൻഡ് ഐ സർവൈവ്ഡ് ദ് ഐഎസ്ആർഒ സ്പൈ കേസ് എന്ന പുസ്തകത്തെ ആധാരമാക്കിയാണ് ഈ സിനിമയൊരുങ്ങുന്നത്.
ഹിന്ദി, തമിഴ്, ഇംഗ്ലീഷ് ഭാഷകളിലാണ് സിനിമയൊരുങ്ങുന്നത്. മാധവനും ആനന്ദ് മഹാദേവനും ചേർന്നാണ് സിനിമ നിർമിക്കുന്നത്.
