ജോസഫ് എന്ന ചിത്രത്തിൽ ലിസമ്മ എന്ന കഥാപാത്രത്തെ അവതരിപ്പിച്ച് പ്രേക്ഷകശ്രദ്ധ നേടിയ മാധുരി ബ്രഗാൻസ ഗായികയാകുന്നു. ബോബൻ സാമുവൽ സംവിധാനം ചെയ്യുന്ന അൽ മല്ലുവിലാണ് മാധുരി ഗാനമാലപിച്ചിരിക്കുന്നത്.
യുട്യൂബ് ചാനലിൽ മാധുരി പാടുന്നതു കണ്ടാണ് ബോബൻ തന്‍റെ ചിത്രത്തിലേക്ക് ക്ഷണിച്ചത്. ഈ ഗാനരംഗത്ത് അഭിനയിക്കുന്നതും മാധുരിയാണ്. രഞ്ജിന്‍ രാജാണ് സംഗീതസംവിധാനം നിർവഹിച്ചിരിക്കുന്നത്. നമിത പ്രമോദ്, നവാഗതനായ ഫാരിസ് എന്നിവരാണ് അൽ മല്ലുവിൽ നായികാ നായകന്മാരാകുന്നത്. പ്രവാസ ലോകത്തിന്‍റെ കഥ പറയുന്ന ചിത്രത്തിന്‍റെ പ്രധാന ലൊക്കേഷൻ യുഎഇ ആണ്.
സിദ്ധിഖ്, ധര്‍മ്മജന്‍ ബോള്‍ഗാട്ടി, മിയ, ലാൽ, പ്രേം പ്രകാശ്, മിഥുന്‍ രമേശ്, സോഹൻ സീനുലാൽ, ഷീലു ഏബ്രഹാം, രശ്മി ബോബൻ, സിനില്‍ സൈനുദ്ദീന്‍, വരദ ജിഷിന്‍, ജെന്നിഫര്‍, അനൂപ് എന്നിവരാണ് താരങ്ങൾ.മെഹ്ഫില്‍ പ്രൊഡക്ഷന്സിന്റെ ബാനറില്‍ സജില്‍സ് മജീദാണ് ചിത്രം നിര്‍മിക്കുന്നത്.
