ഏങ്ങണ്ടിയൂർ: 12 ലിറ്റർ വിദേശ മദ്യവുമായി ഒരാൾ പിടിയിൽ. ഏങ്ങണ്ടിയൂർ തിരുമംഗലം ഉണ്ണികോച്ചൻ വീട്ടിൽ പ്രവീണ്‍ പ്രതാപിനെ(40)യാണ് വാടാനപ്പള്ളി എക്സൈസ് സിഐ എസ്. കൃഷ്ണകുമാറും സംഘവും പിടികൂടിയത്. രഹസ്യവിവരത്തെ തുടർന്ന് ഇയാളുടെ വീട്ടിൽ നടത്തിയ പരിശോധനയിലാണ് 32 കുപ്പി വിദേശമദ്യവും ഹീറോ ഹോണ്ട ബൈക്കും പിടിച്ചെടുത്തതെന്ന് സിഐ കൃഷ്ണകുമാർ പറഞ്ഞു.
മദ്യനിരോധന ദിവസമായ ഇന്നലെ വിൽക്കുന്നതിനുവേണ്ടി ഇയാൾ ശേഖരിച്ച മദ്യമാണിതെന്നും സിഐ വ്യക്തമാക്കി. ബൈക്കിൽ കൊണ്ടുപോയാണ് മദ്യം വിൽക്കുന്നതെന്ന് പ്രതി സമ്മതിച്ചതായി സിഐ പറഞ്ഞു.
പ്രതിയെ ഇന്ന് ചാവക്കാട് കോടതിയിൽ ഹാജരാക്കും. പ്രതിയെ പിടികൂടിയ സംഘത്തിൽ പ്രവന്‍റീവ് ഓഫീസർ ബെന്നി, സിവിൽ എക്സൈസ് ഓഫീസർമാരായ ജെയ്സണ്‍ ദേവസ്യ, സന്തോഷ് എന്നിവരും ഉണ്ടായിരുന്നു.
