ചാലക്കുടി: കുറ്റിച്ചിറയിൽ വീടുകേന്ദ്രീകരിച്ച് അനധികൃത മദ്യവില്പന നടത്തിയിരുന്ന സ്ത്രീ അറസ്റ്റിൽ. കുറ്റിച്ചിറ തച്ചംപിള്ളി മോഹനന്റെ ഭാര്യ ഉഷ (47)യെയാണ് ചാലക്കുടി എക്സൈസ് ഇൻസ്പെക്ടർ വി.ആർ. രാജീവും പാർട്ടിയും ചേർന്നു അറസ്റ്റുചെയ്തത്.500 മില്ലി വീതമുള്ള കുപ്പികളിലാണ് മദ്യവില്പന നടത്തിക്കൊണ്ടിരുന്നത്. ഗ്ലാസിൽ പകർന്നും മദ്യവില്പന നടത്തിയിരുന്നു.
വീട്ടിൽ കട്ടിലിനടിയോട് ചേർന്ന് അറയ്ക്കുള്ളിലാണ് മദ്യം സൂക്ഷിച്ചിരുന്നത്. രണ്ടു ലിറ്റർ മദ്യം പിടിച്ചെടുത്തു.
പ്രിവന്‍റീവ് ഓഫീസർ ടി.കെ. കണ്ണൻ, സിവിൽ എക്സൈസ് ഓഫീസർമാരായ ജോഷി ചക്കാലയ്ക്കൽ, എം.എസ്. ഷിബു, പി.പി. ഷാജു, ജെയ്സണ്‍ ജോസ്, വനിതാ സിവിൽ എക്സൈസ് ഓഫീസർ പിങ്കി മോഹൻദാസ് എന്നിവരും അന്വേഷണസംഘത്തിലുണ്ടായിരുന്നു.
