കോട്ടയം: മദ്യപിക്കാൻ കൂടെ വരാത്തതിന്‍റെ പേരിൽ സുഹൃത്തിനെ കുത്തിക്കൊല്ലാൻ ശ്രമിച്ചയാൾ അറസ്റ്റിൽ. കോട്ടയത്ത് വെള്ളിയാഴ്ച രാത്രിയാണ് സംഭവം. കാരാപ്പുഴ സ്വദേശി സജിയാണ് അറസ്റ്റിലായത്.
സുഹൃത്തായ മധ്യവയസ്കനോട് ഇയാൾ മദ്യം വാങ്ങാൻ ഷെയർ ആവശ്യപ്പെട്ടിരുന്നു. തുടർന്ന് ഒപ്പമിരുന്ന് മദ്യപിക്കാനും ആവശ്യപ്പെട്ടു.
എന്നാൽ ഇത് നിരസിച്ചതിന്‍റെ പേരിലാണ് ഇയാൾ സുഹൃത്തിനെ മദ്യക്കുപ്പി ഉപയോഗിച്ച് കുത്തിപ്പരിക്കേൽപ്പിച്ചത്. തുടർന്ന് വിവരമറിഞ്ഞ് സ്ഥലത്തെത്തിയ പോലീസ് പ്രതിയെ പിടികൂടുകയായിരുന്നു.
