മ​ധ്യ​വേ​നൽ​ അ​വ​ധിയായി; ഇ​നി​യു​ള്ള ര​ണ്ടു മാ​സം കു​ട്ടി​ക​ൾ​ക്ക് ആ​ഘോ​ഷ​ങ്ങ​ളു​ടെ കാ​ലം; വേനൽ ചൂടിനെ പേടിച്ച് വീട്ടമ്മമാർ

കാ​ഞ്ഞി​ര​പ്പ​ള്ളി: ഇ​നി​യു​ള്ള ര​ണ്ടു മാ​സം കു​ട്ടി​ക​ൾ​ക്ക് ആ​ഘോ​ഷ​ങ്ങ​ളു​ടെ കാ​ല​മാ​ണ്. മ​ധ്യ​വേ​ന​ൽ അ​വ​ധി​ക്കാ​യി സം​സ്ഥാ​ന​ത്തെ സ്കൂ​ളു​ക​ളും കോ​ള​ജു​ക​ളും അ​ട​ച്ച​തോ​ടെ നാ​ട്ടി​ലെ ക​ളി​ക്ക​ള​ങ്ങ​ളി​ൽ കു​ട്ടി​ക​ൾ സ​ജീ​വ​മാ​യി.രാ​വി​ലെ മു​ത​ൽ ബാ​റ്റും ബോ​ളു​മാ​യി കു​ട്ടി​ക​ൾ ഗ്രൗ​ണ്ടു​ക​ളി​ൽ ത​ന്നെ​യു​ണ്ട്.

അ​വ​ധി​ക്കാ​ലം തു​ട​ങ്ങി​യ​തോ​ടെ കു​ട്ടി​ക​ൾ​ക്കാ​യി വി​വി​ധ സം​ഘ​ട​ന​ക​ളു​ടെ വ​ക​യാ​യി വോ​ളി​ബോ​ൾ, ഫു​ട്ബോ​ൾ, ഷ​ട്ടി​ൽ തു​ട​ങ്ങി​യ കോ​ച്ചിം​ഗ് ക്യാ​ന്പു​ക​ൾ തു​ട​ങ്ങി. കൂ​ടാ​തെ സം​ഗീ​തം, നൃ​ത്തം, വാ​ദ്യോ​പ​ക​ര​ണ​ങ്ങ​ൾ എ​ന്നി​വ​യു​ടെ അ​വ​ധി​ക്കാ​ല പ​രി​ശീ​ല​ന ക്ലാ​സു​ക​ളും പ​ല​യി​ട​ങ്ങ​ളി​ലും ആ​രം​ഭി​ച്ചി​ട്ടു​ണ്ട്.

അ​വ​ധി​ക്കാ​ല സീ​സ​ണി​ൽ വി​റ്റ​ഴി​ക്കു​വാ​നാ​യി പു​തി​യ​യി​നം സൈ​ക്കി​ളു​ക​ളു​മാ​യി സൈ​ക്കി​ൾ ഷോ​പ്പ് ഉ​ട​മ​ക​ൾ ആ​നു​കൂ​ല്യ പ്ര​ഖ്യാ​പ​ന​ങ്ങ​ളു​മാ​യി രം​ഗ​ത്തു വ​ന്നു ക​ഴി​ഞ്ഞു. മ​ധ്യ​വേ​ന​ൽ അ​വ​ധി ആ​രം​ഭി​ക്കു​ന്ന​തോ​ടെ സൈ​ക്കി​ളി​ൽ നി​ന്നും മ​ര​ങ്ങ​ളി​ൽ നി​ന്നും വീ​ണ് ഒ​ട്ടേ​റെ കു​ട്ടി​ക​ൾ ഓ​ർ​ത്തോ വി​ഭാ​ഗം ഡോ​ക്ട​ർ​മാ​രു​ടെ അ​ടു​ത്ത് എ​ത്തു​ക പ​തി​വു കാ​ഴ്ച​യാ​ണ്.

ഇ​ക്കു​റി വേ​ന​ൽ രൂ​ക്ഷ​മാ​യ​തോ​ടെ കു​ട്ടി​ക​ളെ പു​റ​ത്തേ​ക്കു വി​ടാ​ൻ അ​മ്മ​മാ​ർ മ​ടി​ച്ചു നി​ൽ​ക്കു​ന്ന കാ​ഴ്ച​യാ​ണ് പ​ല​യി​ട​ങ്ങ​ളി​ലും. എ​ന്നാ​ൽ, പ​ഴ​യ​കാ​ല​ത്തെ അ​പേ​ക്ഷി​ച്ച് ന്യൂ ​ജ​ന​റേ​ഷ​ൻ കു​ട്ടി​ക​ളി​ൽ കൂ​ടു​ത​ലും മൊ​ബൈ​ൽ ഫോ​ണി​ന്‍റെയും ടി​വി​യു​ടെ കം​പ്യൂ​ട്ട​റി​ന്‍റെയും മു​ന്നി​ലാ​ണ് ചെ​ല​വ​ഴി​ക്കു​ന്ന​തെ​ന്ന വ​സ്തു​ത​യും വി​സ്മ​രി​ക്കാ​വു​ന്ന​ത​ല്ല.

എ​ന്നാ​ൽ, അ​വ​ധി​ക്കാ​ലം ആ​ഘോ​ഷ​മാ​ക്കാ​ൻ ഇ​റ​ങ്ങി​യ കു​ട്ടി​ക​ൾ പ​ക​ൽ ക​ന​ത്ത ചൂ​ടാ​യ​തി​നാ​ൽ ടൈം​ടേ​ബി​ൾ വെ​ച്ചാ​ണ് ക​ളി​ക്കു​ത്. രാ​വി​ലെ 10.30 വ​രെ​യാ​ണ് വെ​യി​ല​ത്തു​ള്ള ക​ളി. അ​തു​ക​ഴി​ഞ്ഞാ​ൽ മ​ര​ച്ചു​വ​ട്ടി​ൽ എ​ല്ലാ​വ​രും ഒ​രു​മി​ച്ചി​രു​ന്ന് ഫോ​ണി​ൽ ഗെ​യിം​ ക​ളി​ക്കും.

ഉ​ച്ച​യാ​കു​ന്പോ​ൾ ചോ​റു​ണ്ണാ​ൻ പോ​യി കു​റ​ച്ചു നേ​രം ടി​വി ക​ണ്ട് വി​ശ്ര​മി​ക്കും. ഉ​ച്ച​ക​ഴി​ഞ്ഞ് മൂ​ന്നി​ന് വീ​ണ്ടും കു​ട്ടി​ക​ൾ ക​ളി സ്ഥ​ല​ത്ത് ഒ​രു​മി​ച്ച് കൂ​ടും. ഗ്രൗ​ണ്ടി​ൽ വെ​യി​ലാ​ണെ​ങ്കി​ൽ അ​വ​ർ ഫോ​ണി​ലെ ഗെ​യിം​മു​മാ​യി ഇ​രി​ക്കും. നാ​ലി​ന് വെ​യി​ൽ കു​റ​യു​ന്പോ​ൾ ബാ​റ്റും ബോ​ളു​മാ​യി അ​വ​ർ ക​ളി​ക്ക​ള​ത്തി​ലേ​ക്ക് ഇ​റ​ങ്ങും.