ഭീമനടി: വെസ്റ്റ് എളേരി പഞ്ചായത്ത് പതിനാറാം വാര്‍ഡ് മൗക്കോട് അട്ടിമറി വിജയം നേടിയ യുഡിഎഫ് സ്വതന്ത്ര ലിജിന രതീഷ് ആഹ്ലാദപ്രകടനത്തിനിടെ നടത്തിയ നൃത്തച്ചുവടുകള്‍ സമൂഹമാധ്യമങ്ങളില്‍ വൈറലായി.
യൂത്ത് ലീഗ്-കോണ്‍ഗ്രസ് പ്രവര്‍ത്തകരുടെ ആഹ്ലാദപ്രകടനത്തിനിടെയാണ് പുതിയ പഞ്ചായത്ത് അംഗവും പാട്ടിനൊപ്പം നൃത്തച്ചുവടുകള്‍ വച്ചത്.
വര്‍ഷങ്ങള്‍ക്കു ശേഷമാണ് മൗക്കോട് വാര്‍ഡ് യുഡിഎഫ് തിരിച്ചുപിടിച്ചത്. ഏഴു വോട്ടുകളുടെ മാത്രം ഭൂരിപക്ഷത്തിലാണ് ലിജിന സിപിഎമ്മിലെ ടി.വി. സിന്ധുവിനെ അട്ടിമറിച്ചത്.
