ഭ​ര​ണാ​ധി​കാ​രി​ക​ൾ വി​ശ്വാ​സ​ത്തി​ൽ കൈ​യി​ട്ട് വേ​ദ​നി​പ്പി​ക്ക​രു​ത്; അം​ഗ​ത്വം എ​ടു​ക്കാതെ, പ്രസംഗിച്ച് മേജർ രവി മടങ്ങി

തൃ​പ്പൂ​ണി​ത്തു​റ: പ്ര​തി​പ ക്ഷ നേ​താ​വ് ര​മേ​ശ് ചെ​ന്നി​ത്ത​ല ന​യി​ക്കു​ന്ന ഐ​ശ്വ​ര്യ കേ​ര​ള യാ​ത്ര​യു​ടെ തൃ​പ്പൂ​ണി​ത്തു​റ​യി​ലു​ള്ള സ്വീ​ക​ര​ണ​ത്തി​ൽ സം​വി​ധാ​യ​ക​ൻ മേ​ജ​ർ ര​വി പ​ങ്കെ​ടു​ത്ത​ത് ഒ​ട്ടേ​റെ അ​ഭ്യൂ​ഹ​ങ്ങ​ൾ​ക്ക് വ​ഴി​വ​ച്ചു. കോ​ൺ​ഗ്ര​സ് അം​ഗ​ത്വം എ​ടു​ക്കു​മെ​ന്ന് പ്ര​ചാ​ര​മു​ണ്ടാ​യെ​ങ്കി​ലും സ​മ്മേ​ള​ന​ത്തി​ൽ പ്ര​സം​ഗി​ച്ച ശേ​ഷം മേജർ രവി മ​ട​ങ്ങി.

ഒ​രു പാ​ർ​ട്ടി​യി​ലും അം​ഗ​മ​ല്ലാ​ത്ത താ​ൻ രാ​ഷ്ട്രീ​യ​ക്കാ​ര​ന​ല്ലെ​ന്നും രാ​ഷ്ട്ര​ത്തി​നു വേ​ണ്ടി​യാ​ണ് പ്ര​വ​ർ​ത്തി​ക്കു​ന്ന​തെ​ന്നും അദേഹം പ​റ​ഞ്ഞു. 1991-ൽ ​രാ​ജീ​വ്ഗാ​ന്ധി കൊ​ല്ല​പ്പെ​ട്ട​പ്പോ​ൾ ആ ​പ്ര​തി​ക​ളെ പി​ടി​കൂ​ട​ണ​മെ​ന്ന് ആ​ഗ്ര​ഹി​ച്ച ക​മാ​ൻ​ഡോ​യാ​യി​രു​ന്ന ത​നി​ക്ക് ആ​ഗ്ര​ഹം പോ​ലെ അ​വ​രെ പി​ടി​കൂ​ടാ​നു​ള്ള നി​യോ​ഗം വ​ന്നു ചേ​ർ​ന്നു.

വി​ശ്വാ​സം ആ​ർ​ക്കും ആ​വാം, പ​ക്ഷേ ഇ​ത​ര മ​ത​സ്ഥ​രെ വേ​ദ​നി​പ്പി​ച്ചാ​വ​രു​ത്. ഭ​ര​ണാ​ധി​കാ​രി​ക​ൾ വി​ശ്വാ​സ​ത്തി​ൽ കൈ​യി​ട്ട് വേ​ദ​നി​പ്പി​ക്ക​രു​തെ​ന്നും നാ​മ​ജ​പ സ​മ​രം ന​ട​ത്തി​യ​വ​ർ​ക്കെ​തി​രേ എ​ടു​ത്ത കേ​സു​ക​ൾ യു​ഡി​എ​ഫ് സ​ർ​ക്കാ​ർ അ​ധി​കാ​ര​ത്തി​ൽ വ​ന്നാ​ൽ എ​ഴു​തി​ത​ള്ള​ണ​മെ​ന്നും പി​ൻ​വാ​തി​ൽ നി​യ​മ​ന​ങ്ങ​ൾ എ​ഴു​തി ത​ള്ളി പിഎ​സ്​സി വ​ഴി നി​യ​മ​നം ന​ൽ​ക​ണ​മെ​ന്നും അ​ദേ​ഹം ആ​വ​ശ്യ​പ്പെ​ട്ടു.