സാ​മ്പ​ത്തി​ക ത​ട്ടി​പ്പിൽ സം​വി​ധാ​യ​ക​ൻ മേ​ജ​ർ ര​വി;  മാസം പത്ത് ലക്ഷം രൂപ വരുമാനം ഉണ്ടാക്കാമെന്ന് പറഞ്ഞ് വാങ്ങിയത് രണ്ടുകോടി 10 ലക്ഷം;  ത​ണ്ട​ർ ഫോ​ഴ്സ് കമ്പനിയുടെ പേരിലെ തട്ടിപ്പ് ഇങ്ങനെ…

അ​മ്പ​ല​പ്പു​ഴ: സാ​മ്പ​ത്തി​ക ത​ട്ടി​പ്പു കേ​സി​ൽ ച​ല​ച്ചി​ത്ര സം​വി​ധാ​യ​ക​ൻ മേ​ജ​ർ ര​വി ഇ​ന്ന് സ്റ്റേ​ഷ​നി​ൽ ഹാ​ജ​രാ​കാ​ൻ ഉ​ത്ത​ര​വ്. അ​മ്പ​ല​പ്പു​ഴ സ്റ്റേ​ഷ​നി​ൽ ഹാ​ജ​രാ​കാ​നാ​ണ് ഹൈ​ക്കോ​ട​തി ഉ​ത്ത​ര​വി​ട്ടി​രി​ക്കു​ന്ന​ത്.

അ​മ്പ​ല​പ്പു​ഴ സ്വ​ദേ​ശി ഷൈ​ൻ ന​ൽ​കി​യ പ​രാ​തി​യെത്തുട​ർ​ന്നാ​ണ് മേ​ജ​ർ ര​വി​യും ത​ണ്ട​ർ ഫോ​ഴ്സ് എ​ന്ന സെ​ക്യൂ​രി​റ്റി ക​മ്പ​നി എം​ഡി അ​നി​ൽ നാ​യ​രും ഇ​ന്ന് സ്റ്റേ​ഷ​നി​ൽ ഹാ​ജ​രാ​കാ​ൻ ഉ​ത്ത​ര​വി​ട്ടി​രി​ക്കു​ന്ന​ത്.

സ്റ്റേ​ഷ​നി​ൽ ഹാ​ജ​രാ​കു​ന്ന ഇ​രു​വ​രെ​യും അ​മ്പ​ല​പ്പു​ഴ കോ​ട​തി​യി​ലും ഹാ​ജ​രാ​ക്കും.ത​ണ്ട​ർ ഫോ​ഴ്സ് എ​ന്ന സെ​ക്യൂ​രി​റ്റി സ്ഥാ​പ​ന​ത്തി​ന്‍റെ ഡ​യ​റ​ക്ട​റാ​ക്കാ​മെ​ന്നു പ​റ​ഞ്ഞ് ത​ന്നി​ൽ നി​ന്ന് പ​ല​പ്പോ​ഴാ​യി രണ്ടു കോ​ടി 10 ല​ക്ഷം രൂ​പ ഇ​രു​വ​രും ചേ​ർ​ന്ന് ത​ട്ടി​യെ​ടു​ത്തു​വെ​ന്നാ​ണ് ഷൈ​നി​ന്‍റെ പ​രാ​തി.

മേ​ജ​ർ ര​വി​യു​ടെ അ​ക്കൗ​ണ്ടി​ലേ​ക്കാ​ണ് കൂ​ടു​ത​ൽ തു​ക​യും ന​ൽ​കി​യി​രു​ന്ന​ത്. മാ​സം 10 ല​ക്ഷം രൂ​പ വ​രു​മാ​നം ല​ഭി​ക്കു​മെ​ന്ന ഉ​റ​പ്പി​ലാ​ണ് ഈ ​തു​ക വാ​ങ്ങി​യ​തെ​ന്നും എ​ന്നാ​ൽ, ഡ​യ​റ​ക്ട​ർ ബോ​ർ​ഡി​ൽ ഉ​ൾ​പ്പെ​ടു​ത്തി​യി​ല്ലെ​ന്നും ന​ൽ​കി​യ പ​ണം തി​രി​കെ ല​ഭി​ച്ചി​ല്ലെ​ന്നും കാ​ട്ടി അ​മ്പ​ല​പ്പു​ഴ സ്റ്റേ​ഷ​നി​ൽ ഷൈ​ൻ പ​രാ​തി ന​ൽ​കി​യെ​ങ്കി​ലും ഫ​ല​മു​ണ്ടാ​യി​ല്ല.

തു​ട​ർ​ന്ന് ഷൈ​ൻ കോ​ട​തി​യെ സ​മീ​പി​ക്കു​ക​യാ​യി​രു​ന്നു. പി​ന്നീ​ട് കോ​ട​തി നി​ർ​ദേ​ശ പ്ര​കാ​ര​മാ​ണ് അ​മ്പ​ല​പ്പു​ഴ പോ​ലീ​സ് മേ​ജ​ർ ര​വി​ക്കെ​തി​രെ​യും അ​നി​ൽ നാ​യ​ർ​ക്കു​മെ​തി​രേ കേ​സെ​ടു​ത്ത​ത്.

ഇ​ന്ന് അ​മ്പ​ല​പ്പു​ഴ സ്റ്റേ​ഷ​നി​ൽ ഹാ​ജ​രാ​കു​ന്ന ഇ​രു​വ​രേ​യും അ​മ്പ​ല​പ്പു​ഴ ഒ​ന്നാം ക്ലാ​സ് മ​ജി​സ്ട്രേ​റ്റ് കോ​ട​തി​യി​ൽ ഹാ​ജ​രാ​ക്കാ​നും ഹൈ​ക്കോ​ട​തി നി​ർ​ദേ​ശി​ച്ചു.

അ​ന്വേ​ഷ​ണ ഉ​ദ്യോ​ഗ​സ്ഥ​രു​മാ​യി ഇ​രു​വ​രും സ​ഹ​ക​രി​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചു.