മേജറുടെ ഭാര്യയെ കൊന്ന സംഭവത്തിൽ സൈനിക ഉദ്യോഗസ്ഥന്‍റെ മൊഴി; “വി​വാ​ഹാ​ഭ്യ​ർ​ഥ​ന നി​ര​സി​ച്ച​തിനാൽ ഞാൻ കൊന്നു’; മേജർ ഇരുവരെയും താക്കീത് ചെയ്തിരുന്നു 

ന്യൂ​ഡ​ൽ​ഹി: മേ​ജ​റു​ടെ ഭാ​ര്യ​യെ കൊ​ന്ന​ത് വി​വാ​ഹാ​ഭ്യ​ർ​ഥ​ന നി​ര​സി​ച്ച​തി​നാ​ലാ​ണെ​ന്ന് അ​റ​സ്റ്റി​ലാ​യ സൈ​നി​ക ഉ​ദ്യോ​ഗ​സ്ഥ​ൻ. നാ​ഗാ​ലാ​ൻ​ഡി​ലെ ദി​മാ​പു​രി​ൽ സേ​വ​നം ചെ​യ്യു​ന്ന മേ​ജ​ർ നി​ഖി​ൽ ഹ​ണ്ട​യാ​ണ് ഇ​ന്ന​ലെ അ​റ​സ്റ്റി​ലാ​യ​ത്. മേ​ജ​ർ അ​മി​ത് ദ്വി​വേ​ദി​യു​ടെ ഭാ​ര്യ ഷ​ലീ​സ ദ്വി​വേ​ദി(30) ആ​ണ് കൊ​ല്ല​പ്പെ​ട്ട​ത്. ഞാ​യ​റാ​ഴ്ച മീ​റ​റ്റി​ൽ​നി​ന്നാ​ണ് മേ​ജ​ർ നി​ഖി​ലി​നെ പോ​ലീ​സ് അ​റ​സ്റ്റു​ചെ​യ്ത​ത്.

ഡ​ൽ​ഹി ക​ന്‍റോ​ണ്‍​മെ​ന്‍റ് മെ​ട്രോ സ്റ്റേ​ഷ​നു സ​മീ​പ​മാ​ണ് ശ​രീ​ര​ത്തി​ലൂ​ടെ വാ​ഹ​നം ക​യ​റി​യി​റ​ങ്ങി​യ നി​ല​യി​ൽ ശ​നി​യാ​ഴ്ച രാ​വി​ലെ ഷ​ലീ​സ​യു​ടെ മൃ​ത​ദേ​ഹം ക​ണ്ടെ​ത്തു​ന്ന​ത്.​പ്രാ​ഥ​മി​കാ​ന്വേ​ഷ​ണ​ത്തി​ൽ ആ​ശു​പ​ത്രി​യു​ടെ മു​ന്പി​ൽ​നി​ന്ന് ഷ​ലീ​സ ഒ​രു കാ​റി​ൽ ക​യ​റി പോ​യ​താ​യി പോ​ലീ​സി​ന് വി​വ​രം ല​ഭി​ച്ചു. ഷ​ലീ​സ​യെ കാ​ണാ​ൻ മേ​ജ​ർ നി​ഖി​ൽ ഹ​ണ്ട ശ​നി​യാ​ഴ്ച ഡ​ൽ​ഹി​യി​ൽ എ​ത്തി​യി​രു​ന്നു. ആ​ശു​പ​ത്രി​യു​ടെ മു​ന്പി​ൽ​നി​ന്ന് ഇ​യാ​ൾ ത​ന്‍റെ ഹോ​ണ്ട സി​റ്റി കാ​റി​ൽ ഷ​ലീ​സ​യെ ക​യ​റ്റി​പ്പോ​കു​ക​യാ​യി​രു​ന്നു​വെ​ന്നും പോ​ലീ​സ് പ​റ​ഞ്ഞു.

ദി​മാ​പു​രി​ൽ മേ​ജ​ർ നി​ഖി​ലും മേ​ജ​ർ അ​മി​തും ഒ​രു​മി​ച്ചു ജോ​ലി ചെ​യ്തി​രു​ന്നു. സ്ഥ​ലം​മാ​റ്റം ല​ഭി​ച്ച​തി​നെ​ത്തു​ട​ർ​ന്ന് അ​മി​തും കു​ടും​ബ​വും ഡ​ൽ​ഹി​യി​ലേ​ക്ക് താ​മ​സം മാ​റ്റു​ക​യാ​യി​രു​ന്നു. ദി​മാ​പു​രി​ൽ​വെ​ച്ച് പ​രി​ച​യ​ത്തി​ലാ​യ ഷ​ലീ​സ​യെ വി​വാ​ഹം ക​ഴി​ക്കാ​ൻ നി​ഖി​ൽ ആ​ഗ്ര​ഹി​ച്ചി​രു​ന്ന​താ​യി പോ​ലീ​സ് പ​റ​ഞ്ഞു. ഒ​രു ത​വ​ണ ഷലീ​സ​യും നി​ഖി​ലും വീഡി​യോ കോ​ൾ ചെ​യ്യു​ന്ന​തി​നി​ടെ അ​മി​ത് വ​ന്ന് ഇ​രു​വ​രെ​യും വി​ല​ക്കു​ക​യും ഇ​നി കു​ടും​ബ​വു​മാ​യി അ​ടു​ക്കാ​ൻ ശ്ര​മി​ക്ക​രു​തെ​ന്ന് നി​ഖി​ലി​ന് താ​ക്കീ​ത് ന​ൽ​കു​ക​യും ചെ​യ്തി​രു​ന്നു.

ആ​ർ​മി ബേ​സ് ആ​ശു​പ​ത്രി​യി​ൽ ഫി​സി​യോ​തെ​റാ​പ്പി​ക്കാ​യി രാ​വി​ലെ വീ​ട്ടി​ൽ​നി​ന്ന് പോ​യ​താ​യി​രു​ന്നു ഷ​ലീ​സ. ഭ​ർ​ത്താ​വി​ന്‍റെ ഒൗ​ദ്യോ​ഗി​ക വാ​ഹ​ന​ത്തി​ലാ​ണ് ഇ​വ​രെ ആ​ശു​പ​ത്രി​യി​ൽ വി​ട്ട​ത്. പി​ന്നീ​ട് തി​രി​കെ വി​ളി​ക്കാ​ൻ വാ​ഹ​ന​വു​മാ​യി ഡ്രൈ​വ​ർ എ​ത്തി​യ​പ്പോ​ൾ ഇ​വ​ർ ആ​ശു​പ​ത്രി​യി​ലെ​ത്തി​യി​ല്ലെ​ന്ന വി​വ​ര​മാ​ണ് ല​ഭി​ച്ച​ത്. പി​ന്നീ​ട് മെ​ട്രോ​സ്റ്റേ​ഷ​നു സ​മീ​പം മൃ​ത​ദേ​ഹം ക​ണ്ടെ​ത്തു​ക​യാ​യി​ര​ന്നു.

റോ​ഡി​ൽ മൃ​ത​ദേ​ഹം കി​ട​ക്കു​ന്ന​തു​ക​ണ്ട് വ​ഴി​യാ​ത്ര​ക്കാ​രാ​ണ് പോ​ലീ​സി​ൽ വി​ളി​ച്ച​റി​യി​ച്ച​ത്. വാ​ഹ​നം ക​യ​റി​യി​റ​ങ്ങി​യ നി​ല​യി​ലാ​ണ് മൃ​ത​ദേ​ഹം ക​ണ്ട​ത്. പോ​ലീ​സ് എ​ത്തി പ​രി​ശോ​ധി​ച്ച​പ്പോ​ൾ ക​ഴു​ത്തു മു​റി​ച്ചി​രി​ക്കു​ന്ന​താ​യി ക​ണ്ടെ​ത്തു​ക​യാ​യി​രു​ന്നു. കൊ​ല ചെ​യ്ത​ശേ​ഷം തെ​റ്റി​ദ്ധ​രി​പ്പി​ക്കാ​നാ​യി മൃ​ത​ദേ​ഹ​ത്തി​ൽ വാ​ഹ​നം ക​യ​റ്റി​യ​താ​ണെ​ന്ന് ക​രു​തു​ന്നു​വെ​ന്ന് പോ​ലീ​സ് പ​റ​ഞ്ഞു. വാ​ഹ​നം ക​ഴു​കി വൃ​ത്തി​യാ​ക്കാ​ൻ നി​ഖി​ൽ ശ്ര​മി​ച്ചി​ട്ടു​ണ്ടെ​ങ്കി​ലും ച​ക്ര​ത്തി​ലെ ചോ​ര​പ്പാ​ടു​ക​ൾ പൂ​ർ​ണ​മാ​യും നീ​ക്കാ​നാ​യി​ട്ടി​ല്ലെ​ന്ന് പോ​ലീ​സ് പ​റ​ഞ്ഞു.