കല്യാണം കഴിഞ്ഞ് ഡല്‍ഹിയിലെത്തിയ സമയത്ത് ഞാന്‍ കമാന്‍ഡോ ആയിരുന്നു. എന്‍റെ ക്യാമ്പിനടത്ത് ക്വാര്‍ട്ടേഴ്‌സ് ലഭിച്ചിരുന്നില്ല. 45 കിലോ മീറ്ററുണ്ട് എന്‍റെ ക്യാമ്പിലേക്ക്.
അവിടെ പോയപ്പോഴാണ് ആഭ്യന്തര മന്ത്രിയുടെ മകളെ തട്ടിക്കൊണ്ടുപോയെന്ന വിവരം ലഭിക്കുന്നത്. അതുകേട്ടപ്പോള്‍തന്നെ ത്രില്ലായി ഞാന്‍ അങ്ങോട്ട് പോയി.
ഭാര്യ കാത്തിരിക്കുന്ന വിവരമൊക്കെ ഞാന്‍ മറന്നുപോയി. പിറ്റേദിവസമാണ് ഒരു സുഹൃത്ത് വിളിച്ച് ഭാര്യയെക്കുറിച്ച് ചോദിച്ചത്. അപ്പോഴാണ് താൻ അക്കാര്യം ഓർത്തത്.
അവളോട് പറഞ്ഞിട്ടാണോ പോയതെന്നായിരുന്നു സുഹൃത്ത് ചോദിച്ചത്. നീയൊരു കാര്യം ചെയ്യ്, അവളെ നിന്‍റെ വീട്ടിലേക്ക് കൂട്ടിക്കോയെന്ന് ഞാന്‍ സുഹൃത്തിനോട് പറഞ്ഞു.
ഒരുമാസം കഴിഞ്ഞപ്പോള്‍ അവളുടെ അച്ഛനും അമ്മയും അങ്ങോട്ടേക്കു വന്നു. ഞാന്‍ ആരോടും പറയാതെ പോയതായിരുന്നു പ്രശ്‌നം. എന്‍റെ ഓഫീസറോടൊക്കെ പരാതി പറഞ്ഞു. അവന്‍ ജൂണിയര്‍ ഓഫീസറാണെങ്കിലും എന്നെക്കൊണ്ടുപോലും അവനെ കണ്ട്രോള് ചെയ്യാന്‍ പറ്റില്ലെന്നായിരുന്നു അദ്ദേഹം പറഞ്ഞത്. -മേജർ രവി
