കോട്ടയം: കോട്ടയം നഗരത്തിനു സമീപം പട്ടാപ്പകൽ യുവതിയുടെ കഴുത്തിൽ കയർമുറിക്കി 10 പവൻ കവർന്നു. കുമാരനല്ലൂർ നീലിമംഗലം പാലത്തിന് അടുത്തായിരുന്നു സംഭവം. നീലിമംഗലത്ത് അക്വേറിയം കടയിലെ ജീവനക്കാരി ഉഷയുടെ സ്വർണമാണ് കവർന്നത്.
ശനിയാഴ്ച ഉച്ചക്ക് 1.30 ന് ആയിരുന്നു കവർച്ച നടന്നത്. കടയിലേക്കുവന്ന യുവാവ് കഴുത്തിൽ കയർമുറുക്കി ശ്വാസംമുട്ടിച്ച ശേഷം സ്വർണം ഊരിവാങ്ങുകയായിരുന്നെന്ന് ഉഷ പറയുന്നു. യുവാവ് അപ്രത്യക്ഷനായ ശേഷം ഉഷ കട ഉടമയെ ഫോണിൽ വിവരം അറിയിച്ചു. കട ഉടമയെത്തി ഉഷയെ ആശുപത്രിയിൽ പ്രവേശിപ്പിച്ചു. എന്നാൽ ഉഷയുടെ മൊഴിയിൽ വൈരുദ്ധ്യം തോന്നിയതിനാൽ ഇവരെ പോലീസ് വീണ്ടും ചോദ്യം ചെയ്തു. കേസെടുത്ത് അന്വേഷണം ആരംഭിച്ചിട്ടുണ്ട്.
